ఇంట్లో మీరు శుభ్రంగా ఉండే వస్తువులు.. అనుకునే వాటిపై ఇన్ని రకాల బ్యాక్టీరియాలు ఉంటాయా..

ఈ మధ్యకాలంలో ఆరోగ్యంగా ఉండడానికి ఆరోగ్యకరమైన జీవనశైలి, మంచి ఆహారం తినడమే కాకుండా ఇంటిని కూడా ఎల్లప్పుడూ పరిశుభ్రంగా ఉంచుకోవాలి.

చాలామంది ప్రతి రోజు ఇంటిని శుభ్రం చేసుకుంటూ ఉంటారు.

అయితే కొంతమంది రెండు రోజుల గ్యాప్ తో, మరికొందరు వారం తరువాత శుభ్రం చేస్తుంటారు.చాలామంది ఇంటిని శుభ్రం చేసేటప్పుడు చిన్న చిన్న విషయాలపై అసలు దృష్టి పెట్టారు.

కానీ రోగాలు రావడానికి ఇవే కారణమవుతాయని వైద్య నిపుణులు హెచ్చరిస్తున్నారు.ఓవెన్, కాఫీ మేకర్, డిష్ వాష్ స్పాంజ్ వంటి వాటిలో దుమ్ము, ధూళి, ఫంగస్,జెర్మ్స్ ఎక్కువగా ఉంటాయి.

ఇంట్లో పరిశుభ్రత పాటించని ఈ వస్తువుల గురించి ఇప్పుడు తెలుసుకుందాం.అమెరికాస్ ఆర్గనైజేషన్ ఫర్ పబ్లిక్ హెల్త్ అండ్ సేఫ్టీ చేసిన పరిశోధన ప్రకారం వంట గదిలో బ్యాక్టీరియా ( Bacteria ) ఎక్కువగా ఉండే వస్తువులలో కాఫీ మేకర్( Coffee Maker ) కూడా ఒకటి అని చెబుతున్నారు.

ఈ పరిశోధనలో పరిశోధకులు కాఫీ మేకర్ లోపల 67 రకాల క్రిములను కనుక్కున్నారు.అంటే కాఫీ మేకర్ ను ఎప్పటికప్పుడు శుభ్రం చేసుకోకపోతే ఈ బ్యాక్టీరియా మీ శరీరంలోకి చేరడం వల్ల చాలా రకాల అనారోగ్య సమస్యలకు గురవుతారు.