వచ్చే నెలలో అమెరికాకు నరేంద్రమోడీ మోడీ.. ప్రవాస భారతీయులతో మెగా ఈవెంట్‌కు ఏర్పాట్లు

అమెరికా అధ్యక్ష ఎన్నికలకు సమయం దగ్గరపడుతున్నకొద్దీ అక్కడ పరిణామాలు వేగంగా మారిపోతున్నాయి.

డెమొక్రాటిక్ పార్టీ నుంచి కమలా హారిస్( Kamala Harris ), రిపబ్లికన్ పార్టీ నుంచి డొనాల్డ్ ట్రంప్ ( Donald Trump )ఎన్నికల్లో తలపడనున్నారు.

వీరిద్దరికి మద్ధతు ఇచ్చే వారి సంఖ్య కూడా నానాటికీ పెరుగుతోంది.ఓపీనియన్ పోల్స్, ముందస్తు సర్వేల ప్రకారం ఈసారి అమెరికా అధ్యక్ష ఎన్నికలు హోరాహోరీగా జరుగుతాయని టాక్.

ఈ నేపథ్యంలో భారత ప్రధాని నరేంద్ర మోడీ( Prime Minister Narendra Modi ) అమెరికా పర్యటన ప్రాధాన్యత సంతరించుకుంది.సెప్టెంబర్ చివరి వారంలో అగ్రరాజ్యంలో ఆయన పలు కార్యక్రమాల్లో పాల్గొనే అవకాశం ఉందని భారత ప్రభుత్వ వర్గాలు చెబుతున్నాయి.

అలాగే అమెరికాలో స్థిరపడిన ప్రవాస భారతీయులు నిర్వహించే కార్యక్రమంలోనూ మోడీ పాల్గొంటారని తెలుస్తోంది.మూడు నెలల్లో అమెరికా ఎన్నికల వేళ భారత ప్రధాని అగ్రరాజ్యంలో అడుగుపెట్టడం చర్చనీయాంశమైంది.