బుల్లితెర నటికి క్యాన్సర్.. సోషల్ మీడియాలో వైరల్ అవుతున్న పోస్ట్!

నటి ఛవి మిట్టల్.ఈమె గురించి ప్రేక్షకులకు అంతగా తెలియకపోవచ్చు కానీ హిందీ సీరియల్స్ ని ఫాలో అయ్యే వారికి ఈమె బాగా సుపరిచితమే.

హిందీ సీరియల్ లో నటించిన నటిగా తనకంటూ ఒక ప్రత్యేకమైన పాపులారిటీని సంపాదించుకుంది ఛవి మిట్టల్.ఈమె ఒక వైపు సీరియల్స్ లో నటిస్తూనే మరొకవైపు వెండితెరపై ఒకటి రెండు సినిమాల్లో చిన్న చిన్న పాత్రల్లో కూడా నటించింది.

ఇదిలా ఉంటే ఛవి మిట్టల్ రొమ్ము క్యాన్సర్ తో బాధపడుతూ ఉందట.ఈ విషయాన్ని ఆమె సోషల్ మీడియా వేదికగా అభిమానులతో పంచుకుంది.

కెరీర్ పరంగా ఎంత బిజీగా ఉన్నప్పటికీ ఈమె తన ఫిట్నెస్ విషయంలో ఏ మాత్రం అశ్రద్ధ వహించకుండా తరచుగా వర్కౌట్స్ చేస్తూ ఉంటుంది.ఈ క్రమంలోనే ఇటీవల జిమ్ లో వర్కౌట్స్ చేస్తూ ఉండగా ఛవి మిట్టల్ గాయపడింది.

అయితే వెంటనే ఆమె డాక్టర్లను సంప్రదించగా రొమ్ము లో కణతి ఉందని గుర్తించారు.అనంతరం పరీక్షలు నిర్వహించగా ఆమెకు బ్రెస్ట్ క్యాన్సర్ ఉన్నట్లు వైద్యులు ధ్రువీకరించారు.

అయితే త్వరలోనే ఆమె సర్జరీ చేయించుకోనుందట.ఇకపోతే మామూలుగా క్యాన్సర్ బారిన పడితే చాలామంది భయపడుతూ ఉంటారు.

వారికి ఏమవుతుందో అని అనుక్షణం టెన్షన్ పడుతూ వారిలో వారే మదనపడుతూ ఉంటారు.కానీ ఛవి మిట్టల్ మాత్రం ఆమెకు క్యాన్సర్ ఉంది అని తెలిసినప్పటినుంచి తనలా క్యాన్సర్ తో బాధపడుతున్న ఎంతో మందికి క్యాన్సర్ పై అవగాహన కల్పిస్తోంది.