గత వారం ప్రేక్షకుల ముందుకు ‘రాక్షసుడు’ మరియు ‘పండగచేస్కో’ సినిమాలు ప్రేక్షకుల ముందుకు వచ్చాయి.ఈ రెండు సినిమాలు కూడా యావరేజ్ టాక్ను సొంతం చేసుకున్నాయి.
ఈ రెండు సినిమాలకు పెద్దగా పోటీ లేక పోవడంతో ఈ వారం మొత్తం ఈ రెండు సినిమాల హవా సాగే అవకాశాలున్నాయి.ఇక ఈ వారంలో మూడు సినిమాలు విడుదలయ్యే అవకాశాలున్నాయని అంతా అనుకున్నారు.
అయితే తాజాగా అందుతున్న సమాచారం ప్రకారం ‘జాదూగాడు’ విడుదల వాయిదా పడటంతో, ‘సింగం123’ మరియు ‘ఆంధ్రాపోరి’లు మాత్రమే రిలీజ్కు సిద్దంగా ఉన్నాయి.
ఈ రెండు సినిమాలపై కూడా ప్రేక్షకుల్లో ఆసక్తి నెలకొంది.
‘హృదయకాలేయం’ వంటి కామెడీ సినిమా తర్వాత బర్నింగ్ స్టార్ సంపూర్నేష్బాబు నటించిన ‘సింగం 123’ సినిమాను మంచు విష్ణు నిర్మించడంతో ఒక్కసారిగా ఈ సినిమాకు క్రేజ్ పెరిగింది.ఇప్పటికే విడుదలైన ట్రైలర్ సినిమాపై అంచనాలను బాగా పెంచేసింది.
ఇక డాషింగ్ డైరెక్టర్ పూరి జగన్నాధ్ తనయుడు ఆకాష్ పూరి హీరోగా తెరంగేట్రం చేస్తున్న ‘ఆంధ్రాపోరి’పై కూడా తెలుగు ప్రేక్షకులు ఆసక్తితో ఉన్నారు.మరాఠి సినిమా ‘టైంపాస్’కు రీమేక్గా తెరకెక్కిన ఈ సినిమా కూడా ఈ వారం భారీగానే ప్రేక్షకుల ముందుకు రాబోతుంది.
జూన్ 5న ఈ రెండు సినిమాలు బాక్సాఫీస్ వద్ద పోటీ పడబోతున్నాయి.మరి ఈ రెండు సినిమాల్లో ఏది ప్రేక్షకుల హృదయాలను దోచుకుంటుందో చూడాలి.
లేకుంటే గత వారం మాదిరిగానే రెండు సినిమాలు కూడా యావరేజ్ టాక్ను సొంతం చేసుకుంటాయో చూడాలి.
