గత కొద్ది రోజులుగా తెలుగు సినిమా ఇండస్ట్రీలో హీరోయిన్ కీర్తి సురేష్( Keerthy Suresh ) పేరు మారుమోగుతున్న విషయం తెలిసిందే.ఈమె పెళ్లి వార్తలు ప్రస్తుతం సోషల్ మీడియాలో జోరుగా వినిపిస్తున్నాయి.
ఈమె పెళ్లి ముహూర్తం కూడా ఇప్పటికే ఫిక్స్ అయ్యింది.వచ్చే నెలలో మూడుముళ్ల బంధంతో వైవాహిక జీవితంలోకి అడుగుపెట్టబోతోంది కీర్తి సురేష్.
ఈ మేరకు ఆమె శుక్రవారం స్వయంగా వెల్లడించారు.ఇది ఇలా ఉంటే కీర్తి తన కుటుంబ సభ్యులతో కలిసి ఈ ఉదయం తిరుమల శ్రీవారిని( Tirumala Srivaru ) దర్శించుకున్నారు.
స్వామి వారి సేవలో పాల్గొన్నారు.దర్శనం అనంతరం ఆమెకు రంగనాయకుల మండపంలో పండితులు వేదాశీర్వచనం చేసి స్వామివారి తీర్థప్రసాదాలు అందజేశారు.అనంతరం ఆమె మీడియాతో మాట్లాడారు.ఈ సందర్భంగా పెళ్లి ముచ్చట బయటపెట్టారు.వచ్చే నెలలోనే తాను పెళ్లి చేసుకోబోతున్నట్లు తెలిపారు.గోవాలో( Goa ) వెడ్డింగ్‌ జరుగుతుందని అన్నారు.
ఇక తాను నటిస్తున్న హిందీ సినిమా కూడా వచ్చే నెలలో విడుదల కానుందని, అందుకే స్వామివారి దర్శనం కోసం వచ్చానని తెలిపారు.బేబీ జాన్‌ షూట్‌ పనుల్లో కీర్తి సురేశ్‌ ప్రస్తుతం బిజీగా ఉన్నారు.
ఈ సినిమాతో ఆమె బాలీవుడ్‌ లోకి ఎంట్రీ ఇస్తున్నారు.వరుణ్‌ ధావన్‌ హీరోగా ఇది తెరకెక్కుతోంది.కోలీవుడ్‌లో విడుదలైన తెరీ రీమేక్‌గా ఈ సినిమా సిద్ధమవుతున్నట్లు సమాచారం.ఇప్పటికే విడుదలైన ప్రచార చిత్రాలు ప్రేక్షకులను ఆకట్టుకున్నాయి.మరోవైపు కీర్తి సురేశ్‌ ఇటీవల తన రిలేషన్‌ షిప్‌ స్టేటస్‌ గురించి ఆసక్తికర విషయాన్ని బయటపెట్టారు.తన స్నేహితుడు ఆంటోనీతో( Antony ) ప్రేమలో ఉన్నట్లు ప్రకటించారు.
ఆయనతో కలిసి దిగిన ఫొటోని షేర్‌ చేస్తూ దాదాపు 15 ఏళ్ల తమ స్నేహబంధం ఇకపై జీవితాంతం కొనసాగనుందని తెలిపారు.
తెలుగు వార్త విశేషాలు సులభముగా తెలుసుకోండి!!!!
సినిమా కబుర్లు
టాప్ స్టోరీస్
క్రైమ్ న్యూస్
అవీ...ఇవి
ప్రత్యేకం
