చైనా, కొరియా( China, Korea ) వంటి దేశాల్లో పాకేవి, ఈదేవి, ఎగిరేవి ఇలా ఏ జీవిని వదలకుండా జనాలు తినేస్తుంటారు.జీవుల నుంచి ప్రోటీన్ దొరుకుతుందని వాటిని చాలా ఇష్టంగా తింటుంటారు.
ఇటీవల ఒక మహిళా గబ్బిలంతో సూప్ తయారుచేసుకుని తాగింది.వినడానికి ఇది కష్టంగా అనిపిస్తుంది.
ఇక తినడానికి ఇది ఇంకెంత కష్టంగా అనిపిస్తుందో అర్థం చేసుకోండి.కానీ ఆమె మాత్రం వాటిని చికెన్, మటన్ లాగా చాలా సింపుల్‌గా ఆరగించింది.
ఆమెకు సంబంధించిన వీడియో వైరల్ గానూ మారింది.
ఇంటర్నెట్‌లో బ్యాట్ సూప్ డిష్ చాలా చర్చనీయాంశంగా మారింది.
కొందరు దాన్ని రుచికరమైన ఆహారంగా భావిస్తే, మరికొందరు దాన్ని ప్రమాదకరమైనది అని విమర్శిస్తున్నారు.ఇటీవల ఇన్‌స్టాగ్రామ్‌లో ఒక వీడియో ఈ వాదనకు మరింత నిప్పు రాజేసింది.
ఆ వీడియోలో ఒక మహిళ తన పిల్లల కోసం గబ్బిలం సూప్ ( Bat soup )తయారు చేస్తున్నట్లు కనిపిస్తుంది.ఆమె వీడియోలో బొచ్చు, శరీర భాగాలతో సహా ఉన్న చనిపోయిన గబ్బిలాన్ని కెమెరాకు చూపిస్తుంది.
ఆ తర్వాత దాని ముక్కలుగా కోసి, లోపలి భాగాలను ప్రేక్షకులకు చూపిస్తుంది.
ఆ తర్వాత ఆమె వాటిని మరిగిస్తూ, పులుసు రుచి చూస్తూ వాటిని ఉడకబెట్టి సూప్‌ని తయారు చేస్తుంది.ఆమె నవ్వుతూ ఉండటం చూస్తుంటే దాని రుచిని ఆమె ఆస్వాదిస్తున్నట్లు అనిపిస్తుంది.చివరిగా ఆమె ఆ గబ్బిలం ముక్కలను తన ముగ్గురు పిల్లలకు వడ్డిస్తుంది, వాళ్ళు కూడా ఆహారాన్ని ఆస్వాదిస్తున్నట్లుగా కనిపించారు.
ఈ వీడియో సోషల్ మీడియాలో వ్యతిరేకతను తెచ్చింది.చాలా మంది వినియోగదారులు ఆ మహిళను విమర్శించారు.ఇలాంటి ప్రాణులను ఆహారంగా తినకూడదని వాదించారు.ఒక వినియోగదారుడు, వాటిని తినడం వల్ల ఎబోలా వైరస్ సోకవచ్చని, ఎబోలా కేసులు చాలా వరకు వ్యాధి గ్రస్తులైన అడవి గబ్బిలాలు ఉన్నాయని అన్నారు.
సంపర్కం వల్లే వ్యాపిస్తాయని చెప్పారు.మరొక వినియోగదారుడు ఆ మహిళ కరోనా వైరస్ మహమ్మారి నుంచి ఏమీ నేర్చుకోలేదని వ్యాఖ్యానించారు.
ఈ వీడియో ఎక్కడ తీసారో తెలియదు, కానీ బ్యాట్ సూప్ కొన్ని ప్రాంతాల్లో చాలా ప్రాచుర్యం పొందింది, ముఖ్యంగా చైనాలోని వుహాన్ నగరంలో.కరోనా వైరస్ ఆ నగరంలోని ఒక బహిరంగ మార్కెట్ నుంచి వ్యాపించిందని నమ్ముతారు.గబ్బిలాలు ఎబోలా వైరస్, మార్బర్గ్ వైరస్, హెనిపావైరస్‌లు, కొన్ని రకాల రేబిస్ వంటి అనేక ప్రమాదకరమైన వైరస్‌లను వ్యాప్తి చేస్తాయి.ఈ వైరస్‌లు సోకిన వాటిని తింటే ప్రాణాంతక వ్యాధులు వచ్చే అవకాశం ఉంది.
