బాయ్‌ఫ్రెండ్‌కి పదే పదే కాల్ చేస్తున్నారా.. అయితే మీకు ఈ సమస్య ఉండొచ్చు..?

షియావోయు తన ప్రియుడికి కంటిన్యూగా మెసేజ్‌లు పంపడం ప్రారంభించింది, అతను ఎక్కడ ఉన్నాడో తెలుసుకోవాలని కోరుకుంది.మెసేజ్ పంపించిన వెంటనే అంతకు రిప్లై పంపాలని డిమాండ్ చేసింది.ఈ నిరంతర ఒత్తిడి ఆమె ప్రియుడిపై తీవ్ర ప్రభావాన్ని చూపింది, ఒక రోజు, షియావోయు 100 కంటే ఎక్కువ సార్లు ఫోన్ చేసినప్పటికీ స్పందన లేకపోవడంతో, ఆమె భావోద్వేగాలు కంట్రోల్ తప్పాయి.ఆందోళన చెందిన షియావోయు, ఇంట్లోని వస్తువులను నాశనం చేయడం ప్రారంభించింది.

ఆమె భద్రత గురించి ఆందోళన చెందిన ప్రియుడు అధికారులకు ఫోన్ చేశాడు.షియావోయు బాల్కనీ నుంచి దూకే ప్రయత్నం చేస్తోందని తెలుసుకున్న అధికారులు వెంటనే అక్కడికి చేరుకున్నారు.

చివరికి, ఆమెను చికిత్స కోసం ఆసుపత్రికి తరలించారు.ఆసుపత్రిలో, షియావోయుకు “లవ్ బ్రెయిన్” అనే బోర్డర్‌లైన్ పెర్సనాలిటీ డిజార్డర్ (BPD) ఉన్నట్లు వైద్యులు నిర్ధారించారు.

ఈ పరిస్థితి కొన్నిసార్లు ఆందోళన, నిరాశ, బైపోలార్ డిజార్డర్ వంటి ఇతర మానసిక ఆరోగ్య సమస్యలతో కలిసి ఉంటుంది.చిన్నతనంలో తల్లిదండ్రుల నుంచి సరైన ప్రేమ, శ్రద్ధ లభించని వ్యక్తులలో ఇది ఎక్కువగా కనిపిస్తుంది.