సిరిసిల్ల లో కేటీఆర్ కు చిక్కులు తప్పవా ? 

 రాష్ట్ర వ్యాప్తంగా పద్మశాలీలు నాలుగు లక్షలు ఉన్నారు.దీంతో ఆ సామాజిక వర్గానికి పెద్దపీట వేయాలని,  రాజకీయంగా ప్రాధాన్యం కల్పించాలని అన్ని పార్టీలను కోరుతున్నారు.  ఇటీవల కోరుట్లలో జరిగిన పద్మశాలి మహాగర్జన సభలో అనేక తీర్మానాలు చేశారు.

ఈ సభలో లక్ష మందికి పైగా పద్మశాలీలు పార్టీలకు అతీతంగా పాల్గొని విజయవంతం చేశారు.తమ సామాజిక వర్గానికి రాష్ట్రవ్యాప్తంగా ఎన్నో సీట్లు కేటాయించాలో అన్ని కేటాయించాల్సిందేనని రాజకీయ పార్టీలకు అల్టిమేటం ఇచ్చారు.

తమ సామాజిక వర్గానికి సీట్లు ప్రకటించని పార్టీకి తమ మద్దతు ఉండబోదని , అలాగే రాష్ట్రవ్యాప్తంగా పద్మశాలీలు ఎక్కడ నుంచి పోటీ చేసినా పార్టీలకు అతీతంగా మద్దతు పలకాలని ఈ సభలో తీర్మానించారు. సిరిసిల్లలో దాదాపు 80 వేలకు పైగా పద్మశాలీల ఓట్లు ఉన్నాయి.

తమ సామాజిక వర్గానికి చెందిన వ్యక్తిని ఎమ్మెల్యే అభ్యర్థిగా ఎంచుకుని ఏకపక్ష నిర్ణయంతో వీరంతా కలిసి ఉంటే కేటీఆర్ ) KTR )కు ఇబ్బందులు తప్పకపోవచ్చు అనే చర్చ రాజకీయ వర్గాల్లో నడుస్తోంది.