అంత అదృష్టం లేదు... జెనీలియా ప్రెగ్నెన్సీ పై స్పందించిన రితేష్!

ఈ కార్యక్రమంలో భాగంగా తన భర్తతో కలిసి బ్లూ కలర్ డ్రెస్ ధరించి ఎంతో సందడి చేశారు.అయితే ఈ డ్రెస్ లో జెనీలియాని చూడగానే ఆమె గర్భవతా అన్న ఆలోచన అందరిలోనూ వచ్చింది.ఇప్పటికే ఇద్దరు పిల్లలకు తల్లిగా ఉన్నటువంటి జెనీలియా మూడోసారి కూడా తల్లి కాబోతుందా అంటూ పెద్ద ఎత్తున సందేహాలు వ్యక్తం చేయడమే కాకుండా ఈ వార్తలను వైరల్ చేశారు.

ఇక ఈ ఫోటోలలో జెనీలియా బేబీ బంప్ ( Baby Bump ) క్లియర్ గా కనిపించడంతో జెనీలియా మూడోసారి తల్లి కాబోతుంది అనే వార్త సోషల్ మీడియాలో వైరల్ గా మారింది.అయితే ఈ వార్తలు జెనీలియా భర్త రితేష్ దేశ్ముఖ్ (Riteish Deshmukh) కంటపడ్డాయి.

ఈ విధంగా తన భార్య మూడోసారి తల్లి కాబోతుంది అంటూ వస్తున్నటువంటి వార్తలపై రితేష్ స్పందించారు.ఈ సందర్భంగా ఆయన ఈ వార్తలకు సంబంధించిన స్క్రీన్ షాట్లను సోషల్ మీడియా వేదికగా షేర్ చేస్తూ నాకు కూడా మరో ఇద్దరు ముగ్గురు పిల్లలు కావాలని ఉంది కానీ దురదృష్టవశాత్తు ఈ వార్తలలో నిజం లేదు అంటూ ఆయన జెనీలియా ప్రెగ్నెన్సీ గురించి స్పందిస్తూ క్లారిటీ ఇచ్చారు.ప్రస్తుతం ఈ వార్త సోషల్ మీడియాలో వైరల్ గా మారడంతో జెనీలియా ప్రెగ్నెన్సీ గురించి వస్తున్నటువంటి వార్తలకు చెక్ పెట్టినట్లు అయింది.