శుభవార్త వినియోగదారులారా... బ్రాడ్ బ్యాండ్ కనెక్షన్ తో టీవీ ఫ్రీ!

ప్రపంచంలో ఇంటర్నెట్ చార్జీలను అత్యంత తక్కువ ధరకు పొందుతున్న వాళ్ళం మనమే.ఇతర దేశాల్లో టారిఫ్ ఛార్జీలు అనేవి చాలా ఎక్కువగా వుంటాయి.

ఇదే క్రమంలో ఇక మనకి చాలా టెలికాం కంపెనీలు హైస్పీడ్ ఇంటర్నెట్ బ్రాడ్ బ్యాండ్ సేవలతో పాటు అన్ లిమిటెడ్ డేటా, అదే విధంగా ఓటీటీ ఛానెల్స్ కు యాక్సెస్ అయ్యేలా ప్రోత్సహిస్తున్నాయి.అయితే ఇవన్నీ ఇచ్చే ఆఫర్స్ కు మించి ఎక్సైటెల్ కంపెనీ( Excitel Company ) ఒక అడుగు ముందుకేసిందని చెప్పుకోవచ్చు.

అవును, ఇపుడు బ్రాడ్ బ్యాండ్ సేవలతో పాటు ఉచిత టీవీ లేదా ఆండ్రాయిడ్ ప్రొజెక్టర్ ను అందిస్తుంది.బిగ్ స్క్రీన్ ప్లాన్స్ పేరుతో రెండు రకాల ప్లాన్లను ప్రకటించింది ఎక్సైటెల్.

ఇక ధర విషయానికొస్తే… రూ.1,299 ప్లాన్ లేదా రూ.1,499 తీసుకునే వారు వీటిని పొందటానికి అర్హులని చెప్పుకోవచ్చు.ఇక ఇలాంటి ఆఫర్ ను ఎక్సైటెల్ ఈ ఏడాది ఏప్రిల్ లో ప్రయోగత్మకంగా చేసింది.

అది మంచి ఫలితాన్ని ఇవ్వడంతో దేశ వ్యాప్తంగా 35 నగరాల్లో ఈ ఆఫర్ ను ఇపుడు తీసుకు రావడం కొసమెరుపు.ఈ రెండు ప్లాన్లను నో కాస్ట్ ఈఎంఐ తో అందిస్తుంది సంస్థ.

ఈ విషయంపై కంపెనీ సీఓఓ వరుణ్ పస్రిచా( COO Varun Pasricha ) మాట్లాడుతూ ఈ ఏడాది ఏప్రిల్ లో స్మార్ట్ టీవీ( Smart TV ) ఆఫర్ అందించినట్లు వినియోగదారులకు చెప్పుకొచ్చారు.అది విజయవంతం కావడంతో ఇప్పుడు చాలా ప్రాంతాల్లో ఈ ఆఫర్ తీసుకువస్తున్నట్లు చెప్పారు.

వివరాల ప్రకారం రూ.1,299 ప్లాన్ తో 400 ఎంబీపీఎస్ వేగంతో అపరిమిత ఇంటర్నెట్ సేవలు పొందటంతో పాటు 16 ఓటీటీ యాప్స్ సబ్ స్క్రిప్షన్ ఉచితంగా ఇక్కడ పొందే వీలుంది.అంతేకాకుండా 550 లైవ్ టీవీ ఛానళ్ల సేవలను ఉచితంగా పొందొచ్చు కూడా.ఇక దీనితో పాటు కంపెనీ ఫ్రీ వైబర్ 32 అంగుళాల హెచ్ డీ క్లౌడ్ టీవీని అందిస్తుండడం విశేషం.ఇక రూ.1,499 ప్లాన్ లోనూ 400 ఎంబీపీఎస్ వేగంతో, అపరిమిత డేటా పొందవచ్చు.పైన తెలిపిన ప్లాన్ లో లాగానే 16 ఓటీటీల సబ్ స్క్రిప్షన్, 550 లైవ్ టీవీ ఛానళ్ల సేవలను పొందొచ్చు.ఈ ప్లాన్ తీసుకునే వారికి ఈగేట్ కే9 ప్రో మ్యాక్స్ ఆండ్రాయిడ్ ప్రొజెక్టర్ ఉచితంగా లభిస్తుంది.