టాలీవుడ్ రౌడీ హీరో విజయ్ దేవరకొండ( Vijay Devarakonda ) గురించి ప్రత్యేకంగా పరిచయం అక్కర్లేదు.విజయ్ దేవరకొండ హీరోగా నటించిన తాజా చిత్రం ఖుషి.
( Kushi Movie ) ఇందులో సమంత హీరోయిన్ గా నటించిన విషయం తెలిసిందే.భారీ అంచనాల నడుమ విడుదలైన ఈ సినిమా ఊహించని విధంగా మిక్స్డ్ టాక్ ని సొంతం చేసుకుంది.
శివ నిర్వాణ దర్శకత్వం వహించిన ఈ సినిమా లవ్ అండ్ రొమాంటిక్ ఎంటర్ టైనర్ గా తెరకెక్కిన విషయం తెలిసిందే.అయితే దర్శకుడు సినిమాను పూర్తిగా యూత్ ను టార్గెట్ చేసి రూపొందించినట్లు తెలుస్తోంది.
లైగర్ సినిమాతో( Liger ) కెరీర్లోనే భారీ ఫ్లాపును మూట గట్టుకున్న విజయ్ దేవరకొండకు, చేసిన సినిమాలన్నీ బాక్సాఫీసు వద్ద బోల్తా కొట్టడంతో సక్సెస్ కోసం అర్రలు చాచిన సమంతకు ( Samantha ) ఈ సినిమా హిట్ ఒక బూస్ట్ మాదిరిగా పని చేస్తుందనడంలో సందేహం లేదు.వారిద్దరికే కాకుండా డైరెక్టర్ శివ నిర్వాణకు ఈ సినిమా మంచి కిక్కు నిచ్చింది.
ఈ సినిమా సక్సెస్ అయిన సందర్భంగా చిత్ర బృందం సక్సెస్ ను ఎంజాయ్ చేస్తున్నారు.సోషల్ మీడియాలో కూడా తనదైన స్టైల్లో అందరినీ ఆకట్టుకుంటున్నాడు విజయ్ దేవరకొండ.
తాజాగా విజయ్ ఖుషిలోని తన డైలాగ్ను ఉద్దేశిస్తూ ఒక ఆసక్తికర పోస్టు చేశాడు.
ఆ పోస్ట్కు తన తమ్ముడు ఆనంద్ దేవరకొండ( Anand Devarakonda ) రిప్లై ఇచ్చాడు.సాధారణంగా సినిమా ఇండస్ట్రీలో నటీనటులు కొన్ని సెంటిమెంట్స్ ఎక్కువగా ఫాలో అవుతుంటారు.ఆ హీరోయిన్ తో చేస్తే సినిమా హిట్ అవుతుంది.
ఆ డైరెక్టర్ తో చేస్తే బాగుంటుంది అని మరి కొందరైతే ఆ ముహూర్తం రోజే సినిమాను స్టార్ట్ చేయాలని పలానా రోజే ఈ సినిమా రిలీజ్ చేయాలని సెంటిమెంట్స్ కు ప్రాధాన్యం ఇస్తుంటారు.అలాగే ప్రస్తుతం ఇండస్ట్రీలో ఒక క్రేజీ సెంటిమెంట్ వైరల్ అవుతోంది.
అదే విజయ్ దేవరకొండ మార్క్ డైలాగ్ విజయ్ ఏ ముహూర్తాన అర్జున్ రెడ్డి( Arjun Reddy ) సినిమాలో ఆ పిల్ల నాది అంటూ డైలాగ్ చెప్పాడో ఆ సినిమా బ్లాక్ బస్టర్ హిట్ అయింది.
అదే విధంగా బేబీ సినిమాలో( Baby Movie ) ఆనంద్ దేవరకొండ కూడా ఆ పిల్ల నాదిరా అనే డైలాగ్ వాడాడు.అందరికీ తెలిసిందే ఆ సినిమా ఎంతటి సక్సెస్ అయ్యిందో.ఆ తర్వాత విజయ్ దేవరకొండ ఖుషి సినిమాలో కూడా ఈ డైలాగ్ ను వాడారు.
ఈ సినిమా కూడా సూపర్ హిట్ అవ్వడం ఖాయం అంటూ నెట్టింట్లో ఈ వార్త హల్ చల్ చేస్తోంది.అంతేకాదు దేవరకొండ బ్రదర్స్ కి ఈ డైలాగ్ బాగా అచ్చి వచ్చిందని ఆ పిల్ల నాది అనే డైలాగ్ ఉంటే సినిమా సూపర్ హిట్ అవుతుంది అంటూ విజయ్ ఫ్యాన్స్ ట్రెండ్ చేస్తున్నారు.
