ఆ మూవీ డిజాస్టర్ అని త్రివిక్రమ్ శ్రీనివాస్ కు ముందే తెలుసా.. ఏమైందంటే?

కప్పెలా మూవీ రీమేక్ గా తెరకెక్కిన బుట్టబొమ్మ మూవీ తెలుగులో సంచలనాలు సృష్టిస్తుందని అందరూ భావించగా ఈ సినిమా మాత్రం ఫ్లాప్ గా నిలిచి ప్రేక్షకులను నిరాశకు గురి చేసింది.ఎన్నో అంచనాలతో ఈ సినిమా చూడటానికి థియేటర్లకు వెళ్లిన ప్రేక్షకులు ఈ సినిమా చూసి పూర్తిస్థాయిలో నిరాశ చెందారు.

ఈ సినిమా మామూలు బొమ్మేనని బుట్టబొమ్మ కాదని నెటిజన్ల ఉంచి కామెంట్లు వినిపిస్తున్నాయి.

అయితే ఈ సినిమా డిజాస్టర్ అని త్రివిక్రమ్ శ్రీనివాస్ ముందే చెప్పారని నాగవంశీ తెలిపారు.

బుట్టబొమ్మ ఫ్లాప్ అని నాగవంశీ సైతం అంగీకరించడం గమనార్హం.త్రివిక్రమ్ ఊహ ఈ సినిమా విషయంలో నిజమైందని ఆయన చెప్పుకొచ్చారు.

కప్పెలా నచ్చి ఆ సినిమాను రీమేక్ చేయాలని అనుకున్నామని అయితే మూడు సంవత్సరాలలో పరిస్థితులు పూర్తిగా మారిపోయాయని నాగవంశీ కామెంట్లు చేశారు.

ప్రేక్షకుల అభిరుచి మారిపోవడం వల్లే ఈ సినిమా ఫ్లాప్ రిజల్ట్ ను అందుకుందని నాగవంశీ చెప్పుకొచ్చారు.బుట్టబొమ్మ సినిమా హక్కుల కోసం డిస్ట్రిబ్యూటర్ల నుంచి డబ్బులు తీసుకోలేదని ఆయన అన్నారు.బాబాయ్ రాధాకృష్ణ సైతం ఈ సినిమా ఫ్లాప్ అవుతుందని భావించారని నాగవంశీ తెలిపారు.

సార్ మూవీ ప్రమోషన్స్ లో భాగంగా నాగవంశీ ఈ విషయాలను వెల్లడించారు.

సార్ మూవీ చదువు గొప్పదనం గురించి చెబుతుందని చదువు వెనుక ఉండే కష్టం గురించి ఈ సినిమా ద్వారా తెలుస్తుందని నాగవంశీ పేర్కొన్నారు.తెలుగు ప్రేక్షకులకు ఈ సినిమా కచ్చితంగా నచ్చుతుందని ఆయన తెలిపారు.జులై నెలలో టిల్లు స్వ్కైర్‌ రిలీజవుతుందని ఆగష్టులో మహేష్ త్రివిక్రమ్ కాంబో మూవీ రిలీజ్ అని నాగవంశీ చెప్పుకొచ్చారు.

త్రివిక్రమ్ ప్రస్తుతం మహేష్ బాబు మూవీతో బిజీగా ఉన్నారు.టైటిల్ ఫిక్స్ కాని ఈ సినిమాలో శ్రీలీల, పూజా హెగ్డే హీరోయిన్లుగా నటిస్తున్నారు.