పూజా హెగ్డే ఖాతాలో అరుదైన రికార్డ్.. అక్కినేని హీరోలతో అలా చేయడంతో?

హీరో అఖిల్ తో మోస్ట్ ఎలిజిబుల్ బ్యాచిలర్ సినిమాలో నటించిన పూజ హెగ్డే నాగచైతన్యతో కలిసి ఒక లైలా కోసం సినిమాలో నటించి మెప్పించింది.ఇంకా ప్రస్తుతం నాగార్జునతో కలిసి ఒక కమర్షియల్ యాడ్ లో నటిస్తోంది.శీతల పానీయానికి సంబంధించిన ప్రకటనకు సంబంధించిన షూటింగ్ హైదరాబాదులో తాజాగా పూర్తి అయింది.

అర్జున్ మాలిక్ దర్శకత్వం వహించిన ఈ యాడ్ త్వరలోనే ప్రసారం కానుంది.అయితే ఈ యాడ్ ఫిలిం షూట్ కి సంబంధించిన ఫోటోలు కొన్ని సోషల్ మీడియాలో వైరల్ అవుతున్నాయి.

అయితే నాగార్జునతో కలిసి సినిమాలో నటించకపోయినప్పటికీ ఇలా వ్యాపార ప్రకటనలలో స్క్రీన్ షేర్ చేసుకుంది పూజ హెగ్డే.పూజ హెగ్డే అక్కినేని హీరోలు ముగ్గురితో కలిసి నటించినట్లు అయ్యింది.

 ఈ విధంగా అక్కినేని ఫ్యామిలీలో క్రేజ్ ఉన్న ముగ్గురు హీరోలతో కలిసి నటించి పూజా హెగ్డే అరుదైన రికార్డును సొంతం చేసుకున్నారు.

ఇకపోతే పూజా హెగ్డే కు ఈ మధ్యకాలంలో సినిమాలు అంతగా కలిసి రాలేదు అని చెప్పవచ్చు.ఇటీవల కాలంలో విడుదలైన ఆచార్య, రాధేశ్యామ్, బీస్ట్, సర్కస్ ఇలాంటి సినిమాలు నటించగా ఆ నాలుగు సినిమాలు కూడా బాక్సాఫీస్ వద్ద డిజాస్టర్ గా నిలిచాయి.ఇది ఇలా ఉంటే ప్రస్తుతం పూజ హెగ్డే మహేష్ బాబు త్రివిక్రమ్ కాంబినేషన్లో రూపొందుతున్న సినిమాలో నటిస్తోంది.

మరి మహేష్ బాబు సినిమాతో అయినా పూజా హెగ్డే బౌన్స్ బ్యాక్ అవుతుందేమో చూడాలి మరి.కాగా పూజా హెగ్డే నటించిన సినిమాలు అన్ని వరుసగా ఫ్లాప్ అవ్వడంతో ఈమెను ఐరన్ లెగ్ అంటూ భారీగా ట్రోల్స్ చేశారు నెటిజన్స్.