అన్ని సినిమా లు వస్తున్నాయి.మేము ఎదురు చూస్తున్న ఆ సినిమా మాత్రం రావడం లేదు అంటూ క్రియేటివ్ డైరెక్టర్ కృష్ణవంశీ అభిమానులు ఆవేదన వ్యక్తం చేస్తున్నారు.
వారు గత మూడు నాలుగు సంవత్సరాలుగా రంగమార్తాండ సినిమా కోసం వెయిట్‌ చేస్తున్నారు.అదుగో ఇదుగో అంటూ రంగ మార్తాండ సినిమా పై ఆసక్తి అయితే దర్శకుడు పెంచుతున్నాడు కానీ సినిమా ను మాత్రం విడుదల చేయడం లేదు.
ప్రకాష్‌ రాజ్‌.బ్రహ్మానందం.
రమ్యకృష్ణ.రాహుల్ సిప్లిగంజ్.
శివాత్మిక రాజశేఖర్‌..
అనసూయ వంటి ప్రముక నటీ నటులు నటించిన రంగ మార్తాండ సినిమా కాన్సెప్ట్‌ చాలా ఇంట్రెస్టింగ్‌.మరాఠి సినిమాకు రీమేక్‌ అయినా కూడా తెలుగు లో మంచి మార్పులు చేస్తున్నట్లుగా వార్తలు వస్తున్నాయి.
సినిమా కు సంబంధించిన షూటింగ్ ను ముగించాం అంటూ ఆ మధ్య దర్శకుడు స్వయంగా ప్రకటించాడు.కానీ మళ్లీ ఏం జరిగిందో ఏమో కానీ మళ్లీ షూటింగ్ ను పునః ప్రారంభించారు.
షూటింగ్ ను ఏళ్లకు ఏళ్లు చేస్తున్నారు. రాజమౌళి సినిమా అయినా ఇన్నాళ్లు జరగలేదు అంటూ కొందరు పెదవి విరుస్తున్నారు.సినిమా కు సంబంధించిన షూటింగ్ పూర్తి అయినా కూడా విడుదల కావడం లేదా అంటూ కొందరు చర్చించుకుంటున్నారు.ఈ సినిమా లో బ్రహ్మానందం పాత్ర చాలా సీరియస్ గా ఉంటుందని అంటున్నారు.
మొత్తానికి రంగ మార్తాండ సినిమా కు మంచి బజ్ ఉన్నప్పుడు కాకుండా పూర్తిగా సినిమా గురించి జనాలు మర్చి పోయినప్పుడు తీసుకు వస్తావా కృష్ణ వంశీ అంటూ అభిమానులు అసంతృప్తి వ్యక్తం చేస్తున్నారు.దేశ వ్యాప్తం గా కృష్ణవంశీ యొక్క రంగ మార్తాండ సినిమా ను విడుదల చేసే ప్రయత్నాలు చేస్తున్నట్లుగా తెలుస్తోంది.
అందుకే కాస్త ఆలస్యంగా సినిమా ను మేకింగ్‌ చేస్తున్నారు అంటూ పుకార్లు షికార్లు చేస్తున్నాయి.ప్రస్తుతం రంగమార్తాండ సినిమా కు సంబంధించి ఏం జరుగుతుంది తెలియజేయాలి అంటూ కృష్ణవంశీ అభిమానులు విజ్ఞప్తి చేస్తున్నారు.
