అమెరికాలో 7.25 లక్షల మంది భారతీయులు అక్రమ వలసదారులే.. వెలుగులోకి సంచలన నివేదిక

మెక్సికో నుంచి అమెరికాలో నివసిస్తున్న అక్రమ వలసదారుల సంఖ్య 2021లో 4.1 మిలియన్లు కాగా.ఎల్ సాల్వడార్ 8,00,000.భారతీయులు 7,25,000 మంది వున్నట్లుగా నివేదిక తెలిపింది.అత్యధిక సంఖ్యలో అమెరికాలో అక్రమ వలసదారులు వున్న దేశాలలో భారత్, బ్రెజిల్, కెనడా, పూర్వపు సోవియట్ యూనియన్ దేశాలు 2017 నుంచి 2021 వరకు వృద్ధిని నమోదు చేశాయని నివేదిక వెల్లడించింది.2021లో అతిపెద్ద అనధికార వలస జనాభా కలిగిన ఆరు రాష్ట్రాలు వరుసగా కాలిఫోర్నియా (1.9 మిలియన్లు), టెక్సాస్ (1.6 మిలియన్లు), ఫ్లోరిడా (900,000), న్యూయార్క్ (600,000), న్యూజెర్సీ (450,000), ఇల్లినాయిస్ (400,000).2021లో ఇతర దేశాల నుంచి అనధికార వలసదారుల జనాభా 6.4 మిలియన్లు వుండగా.2017 నుంచి ఇది ఏకంగా 9,00,000 పెరిగిందని విశ్లేషకులు తెలిపారు.గ్వాటెమాల (7,00,000), హోండూరాస్ (5,25,000) మంది అమెరికాలో నివసిస్తున్నారు.కొత్త ప్యూ రీసెర్చ్ సెంటర్ అంచనాల ప్రకారం 2021 నాటికి అమెరికాలో అనధికార వలస జనాభా 10.5 మిలియన్లకు చేరుకున్నాయి.ప్రపంచంలోని దాదాపు ప్రతి ప్రాంతం నుంచి అనధికార వలసదారుల సంఖ్య పెరిగింది.ఇదే సమయంలో అమెరికాలో చట్టబద్ధ వలసదారుల జనాభా 8 మిలియన్లకు పైగా చేరుకుంది.