ఎమోజీ వాడినందుకే రూ.51 లక్షల గోవిందా.. లబోదిబోమంటున్న ఆ రైతు..

ఒక్క ఎమోజీ వల్ల దాదాపు 51 లక్షలు కోల్పోయాడు ఒక రైతు.

కెనడాకు( Canada ) చెందిన ఈ రైతు పేరు క్రిస్ అచ్టర్( Chris Achter ).

ఈయన ఇటీవల ఒక ఎమోజీ వేరే వారికి సెండ్ చేశాడు.దానివల్ల ఏర్పడిన గందరగోళానికి సదరు రైతు చాలా డబ్బు చెల్లించుకోవాల్సి వచ్చింది.

అతను సస్కట్చేవాన్‌లోని స్విఫ్ట్ కరెంట్‌లో వ్యవసాయ కంపెనీని రన్ చేస్తున్నాడు.ఒక రోజు, ఒక కొనుగోలుదారు రైతుకు ఫ్లాక్స్ కొనుగోలు ఒప్పందానికి సంబంధించిన ఫొటో పంపాడు.

ఫ్లాక్స్ అనేది ఒక రకమైన మొక్క.అయితే ఆ కాంట్రాక్ట్ కు ఓకే చెప్పినట్లు క్రిస్ రిప్లైగా థంబ్స్-అప్ ఎమోజీని పంపాడు.

కానీ తరువాత, ఫ్లాక్స్ డెలివరీ సమయం వచ్చినప్పుడు, కొనుగోలుదారు దానిని అందుకోలేదు.దీంతో సమస్య తలెత్తి కోర్టు మెట్లెక్కింది.

సౌత్ వెస్ట్ టెర్మినల్ అని పిలిచే కంపెనీ, రైతు క్రిస్ పంపిన థంబ్స్-అప్ ఎమోజీ అంటే అతను ఒప్పందానికి అంగీకరించినట్లు అర్థం చేసుకున్నామని తెలిపింది.అయితే కాంట్రాక్ట్‌ గురించి సమాచారం అందుకున్నట్లు చూపించడానికి మాత్రమే ఎమోజీని ఉపయోగించానని, దానికి తాను అంగీకరించినట్లు కాదని క్రిస్ చెప్పాడు.