ఆత్మకూరు ఉప ఎన్నికలో 18 శాతం ఓట్లు మిస్సింగ్

ముఖ్యంగా ఆత్మకూరు ఉప ఎన్నికలో 64.17 శాతం మాత్రమే ఓట్లు పోలయ్యాయి.అయితే 2019 ఎన్నికల్లో ఆత్మకూరు నియోజకర్గంలో 82 శాతం పోలింగ్ జరిగింది.

అంటే ఉప ఎన్నిక విషయానికి వచ్చేసరికి ఏకంగా 18 శాతం పోలింగ్ తగ్గింది.దీంతో తమకు లక్ష మెజారిటీ రాలేదని వైసీపీ నేతలు అభిప్రాయపడుతున్నారు.

కానీ ఆ 18 శాతం ఓటు బ్యాంక్ ఏమైందన్న విషయంపై వైసీపీలో జోరుగా చర్చ నడుస్తోంది.ఉప ఎన్నికలో ప్రధాన ప్రతిపక్షం టీడీపీ పోటీ చేయకపోవడంతో టీడీపీ మద్దతుదారులు ఓటింగ్‌లో పాల్గొనలేదన్న చర్చ కూడా జరుగుతోంది.

అటు జనసేన పార్టీ అభిమానులు కూడా ఓటు వేసేందుకు ఆసక్తి చూపలేదని.అందువల్లే గతంతో పోలిస్తే ఓటింగ్ శాతం తగ్గిందని రాజకీయ విశ్లేషకులు భావిస్తున్నారు.

అటు వైసీపీ నేతల మధ్య అంతర్గత కలహాలు కూడా వైసీపీకి ఓటింగ్ తగ్గడానికి కారణమై ఉండొచ్చని అభిప్రాయపడుతున్నారు.కాగా ఆత్మకూరు ఉప ఎన్నికల్లో వైసీపీ అధికార దుర్వినియోగానికి పాల్పడిందని బీజేపీ అభ్యర్థి భరత్ కుమార్ యాదవ్ ఆరోపించారు.