యూట్యూబ్‌లో అదిరిపోయే ఫీచర్.. ఇక గేమర్స్‌కు పండగే..

Padma Lingam

News Reporter

2023-06-26   10:49:56  IST

ప్రముఖ సోషల్ మీడియా వీడియో ఫ్లాట్‌ఫామ్ యూట్యూబ్( Youtube ) అంటే తెలియనివారు ఎవరూ ఉండరు.స్మార్ట్‌ఫోన్ ఉన్న ప్రతిఒక్కరి ఫోన్లలో ఇది తప్పనిసరిగా ఉంటుంది.

Ad

రోజూ ఒక్కసారైనా సరే యూట్యూబ్‌ను ఓపెన్ చేసి ఏదోక వీడియో చూస్తూ ఉంటారు.కొంతమంది అయితే గంటల కొద్ది యూట్యూబ్‌లో గడుపుతూ ఏదోక వీడియోలు చూస్తూ సరదాగా గడుపుతూ ఉంటారు.

అలాగే కొంతమంది దీనిని ఆదాయ వనరుగా కూడా ఉపయోగించుకుంటున్నారు.యూట్యూబ్‌లో వీడియోలు చేస్తూ లక్షల్లో డబ్బులు సంపాదిస్తున్నారు.

అయితే యూట్యూబ్‌లో ఎప్పటికప్పుడు కొత్త కొత్త ఫీచర్లు వస్తూ ఉంటాయి.కొత్త ఫీచర్లను ఎప్పటికప్పుడు యూట్యూబ్ ఫ్లాట్‌ఫామ్ అప్డేట్ చేస్తూ ఉంటుంది.అందులో భాగంగా తాజాగా యూట్యూబ్‌లో మరో నయా ఫీచర్ వచ్చేస్తోంది.

గేమర్స్‌కు( Gamers ) ఈ ఫీచర్ బాగా ఉపయోగపడనుంది.త్వరలోనే నేరుగా యూట్యూబ్‌లో ఆన్‌లైన్ గేమ్స్( Online Games ) ఆడుకునేలా కొత్త ఫీచర్ రానుంది.

ఇందుకోసం అంతర్గతంగా టెస్టింగ్ కూడా జరుగుతోంది.వెబ్‌బ్రౌజర్, ఆండ్రాయిడ్ మొబైల్స్, యాపిల్ ఐఫోన్ యూజర్లందరికీ ఈ గేమింగ్ సౌకర్యం త్వరలో అందుబాటులోకి తీసుకురానుంది.

దీని వల్ల యూట్యూబ్‌లో వీడియోలు చూడటమే కాకుండా ఇక నుంచి ఆన్‌లైన్ ద్వారా గేమ్స్ ఆడుకోవచ్చు అన్నమాట.