అక్కడ రాత్రివేళలో పురుషులు కనిపిస్తే స్త్రీలు ఏం చేస్తారంటే..

రాజస్థాన్‌లోని జోధ్‌పూర్‌లోని ప్రత్యేకమైన దింగా గవర్ మేళా జరుగుతుంది.ఇక్కడ మహిళలు రాత్రిపూట పురుషులను బెత్తంతో కొడతారు.

మహిళలకు ఎంతో ప్రత్యేకతనిస్తూ ఇలాంటి అపూర్వ జాతర నిర్వహిస్తారు.స్త్రీలు రాత్రంతా బెత్తంతో (కర్రతో) తిరుగుతూ తమ ఎదురుగా వచ్చిన పురుషులకు కొడతారు.

వారికి తెలియనివారయినా సరే ఇలానే కొడతారు.పోలీసు-అడ్మినిస్ట్రేషన్‌కి సంబంధించిన పురుషులు అయినా కూడా వారిని వదలరు.

ఇక్కడ విశేషమేమిటంటే ఎవరూ దానిని చెడుగా భావించరు.జోధ్‌పూర్‌లో ప్రతి సంవత్సరం ఈ ప్రత్యేకమైన జాతర నిర్వహిస్తారు.

దాని పేరు దింగా గవర్ పండుగ.దీనిని ఇటీవలే జోధ్‌పూర్‌లో నిర్వహించారు.

స్త్రీ పురుషుల మధ్య ప్రేమకు చిహ్నంగా ఈ జాతర నిర్వహిస్తుంటారు.తొలుత 16 రోజులపాటు పూజలు చేస్తారు.

రాజస్థాన్ అధ్యయన నివేదిక ప్రకారం ఈ జాతరలో ప్రత్యేక పూజలు చేస్తుంటారు.వాటిని దింగ గవర్ పూజలని పిలుస్తారు.

ఇది చైత్ర శుక్ల తృతీయ నాడు ప్రారంభమై బైశాఖ కృష్ణ పక్ష తృతీయ నాడు ముగుస్తుంది.ఈ పూజను ప్రారంభించే ముందు మహిళలు గోడలపై గవర్ చిత్రాన్ని రూపొందిస్తారు.

గోడలపై, శివుడు, గణేష్, ఎలుక, సూర్యుడు, చంద్రుడు తదితర బొమ్మలను వేస్తారు.ఈ చిత్రాలను వితంతువులు, వివాహిత స్త్రీలు పూజిస్తారు.

అవివాహిత యువతులకు కూడా ఇది అవసరమని కొందరు భావిస్తారు.ఈ పూజలో 16 సంఖ్యకు ప్రత్యేక ప్రాముఖ్యత ఉంది.16 మంది స్త్రీలు కలిసి పూజలు చేసి, కలిసి భోజనం చేస్తారు.ఈ సంఖ్యను పెంచడం లేదా తగ్గించడం సాధ్యం కాదు.

దింగా గవర్ పూజ ముగింపులో రట్జగ జరుగుతుంది.ఆ రోజు రాత్రి ధింగా గవర్ జాతర నిర్వహిస్తారు.

రాత్రిపూట జోధ్‌పూర్‌లోని మహిళలు ముసుగులు ధరించి చేతుల్లో బెత్తం పట్టుకుని బయటకు వస్తారు.ఈ సందర్భంగా మహిళలు రాజు-రాణి, శివుడు, విష్ణువు, జాట్-జట్నీ, డాక్టర్, పోలీస్, సేథ్ వేషధారణలో బయటకు వస్తారు.

మహిళలు మారువేషాలు వేసుకుని రోడ్డుపైకి వచ్చినప్పుడు, తమ ఎదురుగా వచ్చిన మగవాడిని కర్రతో కొడతారు.