జోజోబా నూనె ఉప‌యోగాలు తెలిస్తే..వాడ‌కుండా ఉండ‌లేర‌ట‌!

జోజోబా నూనె.అద్భుత‌మైన నూనెల్లోనూ ఇది ఒక‌టి అన‌డంలో ఎటువంటి సందేహ‌మూ లేదు.

జొజోబా మొక్కల గింజల నుండి ఈ నూనెను త‌యారు చేస్తారు.ఎన్నో పోష‌క విలువ‌ల‌ను క‌లిగి ఉండే ఈ జోజోబా నూనె చ‌ర్మ సౌంద‌ర్యాన్ని పెంచ‌డంలోనూ, కురుల‌ను సంర‌క్షించ‌డంలోనూ సూప‌ర్‌గా స‌హాయ‌ప‌డుతుంది.

మ‌రి ఇంకెందుకు ఆల‌స్యం.అస‌లు ఈ జోజోబా నూనెను ఎలా వాడాలి.? దీనిని వాడటం వ‌ల్ల వ‌చ్చే ప్ర‌యోజ‌నాలు ఏంటీ.? వంటి విష‌యాలను చూసేయండి.చాలా మంది త‌మ స్కిన్ డ్రైగా మారిపోతుంద‌ని బాధ ప‌డుతున్నారు.

అయితే జోజోబా నూనె ఒక న్యాచుర‌ల్ మాయిశ్చ‌రైజర్‌గా ప‌ని చేస్తుంది.ఈ ఆయిల్‌ను స్నానం చేసిన త‌ర్వాత చ‌ర్మానికి అప్లై చేసుకోవాలి.

లేదా మీరు వాడే మాయిశ్చ‌రైజ‌ర్‌లో ఈ ఆయిల్‌ను మిక్స్ చేసి అప్లై చేసుకోవాలి.ఇలా ఎలా చేసినా మీ చ‌ర్మం ఎక్కువ స‌మ‌యం పాటు తేమగా మరియు మృదువుగా ఉంటుంది.

పొడిబారిన, పగిలిన పెద‌వుల‌ను స్మూత్ అండ్ సాప్ట్‌గా మార్చ‌డంలో జోజోబా ఆయిల్ ఎఫెక్టివ్‌గా ప‌ని చేస్తుంది.ప్ర‌తి రోజు రాత్రి నిద్రించే ముందు లిప్స్‌కు కొద్దిగా జోజోబా నూనె అప్లై చేసి స్మూత్‌గా మసాజ్ చేసుకోవాలి.

ఇలా రెగ్యుల‌ర్‌గా చేస్తే పెద‌వులు అందంగా త‌యార‌వుతాయి.