27 ఏళ్ల కష్టం.. ఎన్నో ఎదురుదెబ్బలు.. నితిన్ మూవీతో వక్కంతం వంశీ స్టార్ స్టేటస్ అందుకుంటారా?

ఏ రంగంలోనైనా కష్టపడితే కొంత వేగంగా ఫలితం దక్కుతుంది కానీ సినిమా రంగంలో మాత్రం కష్టానికి ఫలితానికి సంబంధం ఉండదు.

టాలీవుడ్ ఇండస్ట్రీలో రైటర్ గా తనకంటూ గుర్తింపును సొంతం చేసుకున్న వాళ్లలో వక్కంతం వంశీ( Vakkantham Vamsi ) ఒకరు.

ఎన్నో హిట్ సినిమాలకు రైటర్ గా పని చేసిన వక్కంతం వంశీ దాసరి నారాయణరావు దర్శకత్వంలో కల్యాణ ప్రాప్తిరస్తు సినిమాలో హీరోగా నటించారు.పుంగనూరు సమీపంలోని అరికెల గ్రామంలో జన్మించిన వక్కంతం వంశీ బాల్యంలోనే నాటకాలలో నటించారు.

చిత్రం భళారే విచిత్రంలో కెమెరా ముందు తొలిసారి కనిపించిన వక్కంతం వంశీ రంగవల్లి అనే సినిమాలో బిచ్చగాడి పాత్రలో నటించి మెప్పించారు.కల్యాణ ప్రాప్తిరస్తు సినిమా ఆశించిన ఫలితాన్ని అందుకోకపోవడంతో వక్కంతం వంశీ నటుడిగా సక్సెస్ కాలేదు.