గడ్డం తీయడం ఇష్టం లేక బొంబాయి సినిమా వదులుకున్న హీరో ఎవరో తెలుసా ?

సృజనాత్మకతకు పెట్టింది పేరు దిగ్గజ దర్శకుడు మణిరత్నం.లెజెండరీ దర్శకులలో మణిరత్నం పేరు ఖచ్చితంగా ఉంటుంది.

నిజమైన సంఘటనను యదార్ధంగా తీసి ప్రేక్షకుల మనసు దోచుకోవడంలో మణిరత్నం కి పెట్టింది పేరు.ఇక ఇటీవల పొన్నియన్ సెల్వన్ అనే ఓ సినిమాతో పాన్ ఇండియా వ్యాప్తంగా ప్రేక్షకుల ముందుకి రాగా అది మిక్స్డ్ టాక్ తో నడుస్తోంది.

కాసేపు ఈ విషయం పక్కన పెడితే మణిరత్నం తీసిన అద్భుతమైన సినిమాలలో బొంబాయి చిత్రం కూడా ఒకటి.అరవింద్ స్వామి మరియు మధుబాల హీరో హీరోయిన్స్ గా నటించిన ఈ చిత్రం యదార్ధ సంఘటనగా ప్రేక్షకుల మనసుల్లో మంచి స్థానాన్ని సంపాదించుకుంది.

ఈ సినిమా ద్వారా తెలుగులో సైతం దర్శకుడుగా మణిరత్నం తొలిసారి పరిచయమయ్యారు.ఈ చిత్రంలోని పాటలు, సంగీతం అన్నీ కూడా ప్రేక్షకులను ఫిదా చేశాయి.

ఇక ఇప్పటికే దాదాపుగా 30 సంవత్సరాల క్రితం విడుదలైన ఈ సినిమా ముంబైలో జరిగిన అల్లర్ల నేపథ్యంలో తీశారు.అప్పట్లో బాబ్రీ మసీదు కూల్చివేత సంఘటన మనందరికీ గుర్తుండే ఉంటుంది.ఆ సమయంలో జరిగిన దాడుల గురించి రెండు వర్గాల మధ్య గొడవ ల్లో ఎలాంటి వాతావరణం ఉంటుంది అనే ఇతివృత్తంగా ఈ చిత్రం విడుదలైంది.1993లో వచ్చిన ఈ సినిమా ఎంతోమంది హృదయాలను కదిలించింది వాస్తవానికి బాబ్రీ మసీదు సంఘటన ఆధారంగానే ఈ చిత్రాన్ని తీశాడు మణిరత్నం.

అరవింద్ స్వామి పాత్రలో తొలుత హీరో విక్రమ్ చేత నటింప చేయాలని మణిరత్నం భావించారు.కానీ ఆ సమయంలో గడ్డం పెంచుకున్న విక్రమ్ ని చూసి మణిరత్నం గడ్డం, మీసం తీసేయాలని కోరారట అందుకు విక్రమ్ ఒప్పుకోకపోవడంతో మనసు నొచ్చుకున్నాడు మణిరత్నం.ఆ తర్వాత ఈ కథను అరవింద్ స్వామికి చెప్పి ఒప్పించాడట.

అలా బొంబాయి సినిమా అరవింద స్వామి హీరోగా విడుదలై సూపర్ డూపర్ హిట్ కొట్టింది.ఈ సినిమా ఇప్పటికీ కూడా టీవీలో వస్తే ఎవ్వరూ చూడకుండా మిస్ చేయరు.