ఓట్స్ ఆరోగ్య‌క‌ర‌మే.. కానీ వారు తిన‌క‌పోవ‌డ‌మే బెట‌ర్‌..!

ఓట్స్‌.( Oats ).ఇటీవ‌ల కాలంలో చాలా మందికి ప్ర‌ధాన ఆహారంగా మారిపోయింది.

న్యూట్రియంట్ విలువలు ఎక్కువగా ఉండ‌టం వ‌ల్ల ఓట్స్ తో ర‌క‌ర‌కాల వంట‌లు త‌యారు చేసుకుని బ్రేక్ ఫాస్ట్‌, డిన్న‌ర్ లో తీసుకుంటున్నారు.

ఓట్స్ తో స్నాక్స్ కూడా చేసుకుంటున్నారు.బ‌రువు నిర్వాహ‌ణ‌లో, హృదయ ఆరోగ్యాన్ని కాపాడ‌టంలో, జీర్ణక్రియను మెరుగుప‌ర‌చ‌డంలో ఓట్స్ చాలా అద్భుతంగా తోడ్ప‌తాయి.ఓట్స్ ఆరోగ్య‌క‌ర‌మే.

కానీ కొంద‌రు వ్య‌క్తులు మాత్రం వాటిని తిన‌క‌పోవ‌డ‌మే మంచిద‌ని నిపుణులు చెబుతున్నారు.ఆ కొంద‌రు ఎవ‌రు అన్న‌ది ఇప్పుడు తెలుసుకుందాం.

సాధార‌ణంగా ఓట్స్ బ్లడ్ షుగర్ లెవ‌ల్స్ ( Blood sugar levels )ను తగ్గించడంలో ఉత్త‌మంగా సహాయపడతాయి.కానీ, రక్తంలో చక్కెర స్థాయిలు ఇప్పటికే తక్కువగా ఉంటే ఓట్స్ తీసుకోవడం శ్రేయస్కరం కాదు.

అలాంటి వారు ఓట్స్ తింటే షుగ‌ర్ లెవ‌ల్స్ మ‌రింత డ్రాప్ అయ్యే అవ‌కాశాలు ఉంటాయి.అలాగే ఓట్స్‌లో ఉండే అవెనిన్ అనే ప్రొటీన్ వ‌ల్ల‌ కొంతమందికి అలెర్జీ వచ్చే అవకాశం ఉంది.

అంటే చ‌ర్మంపై ద‌ద్దుర్లు, వాంతులు, కడుపు నొప్పి, శ్వాస సమస్యలు వంటివి ఇబ్బంది పెట్ట‌వ‌చ్చు.అలాంటి వారు కూడా ఓట్స్ ను తిన‌క‌పోవ‌డ‌మే బెట‌ర్‌.