పార్టీ విలీనంపై షర్మిల ప్రకటన ఎప్పుడంటే..? 

వైఎస్ షర్మిల స్థాపించిన వైఎస్సార్ తెలంగాణ పార్టీ( YSR Telangana Party ) కాంగ్రెస్ లో విలీనం అయ్యే సమయం దగ్గరకు వచ్చింది.

అధికారంలోకి రావాలనే పట్టుదలతో షర్మిల సుదీర్ఘంగా తెలంగాణలో పాదయాత్రను నిర్వహించారు.

నిత్యం బిఆర్ఎస్ ప్రభుత్వం పైన,  సీఎం కేసీఆర్ పైన అనేక విమర్శలు చేస్తూ హడావుడి చేస్తున్నారు.అలాగే రాష్ట్ర వ్యాప్తంగా నెలకొన్న అన్ని సమస్యల పైన షర్మిల స్పందిస్తూ,  తమ పార్టీ గ్రాఫ్ పెంచుకునే ప్రయత్నాలు చేశారు.

అయితే సక్సెస్ కాలేదు .పార్టీలో మొదట్లో చేరిన నేతలు తప్ప,  కీలక నేతలు ఎవరు చేరకపోవడం,  మరోవైపు ఎన్నికల సమయం దగ్గర పడిన  నేపథ్యంలో కాంగ్రెస్ తో పొత్తు కోసం ఆమె ప్రయత్నించారు.