హరీష్ రావు పరిస్థితి ఏంటి...? గుంపులో గోవిందమేనా ...?

ఓ వైపు కేటీఆర్ పార్టీ కార్యక్రమాల్లో బిజీ బిజీగా మారిపోతే.హరీష్ రావు మాత్రం సిద్ధిపేటకే పరిమితమయ్యారు.టీఆర్ఎస్ ప్రజాప్రతినిధులు, నేతలంతా కేటీఆర్ ని ప్రసన్నం చేసుకునే పనిలో బిజీగా ఉండగా హరీష్ రావు మాత్రం ఒంటరిగా మారిపోయారు.

ఇప్పుడు తెలంగాణ లో టీఆర్ఎస్ రాజకీయం అంతా కేటీఆర్ చుట్టూనే తిరుగుతోంది.అలాగే ఈ మధ్యన ప్రాజెక్టుల నిర్మాణంపై ముఖ్యమంత్రి కేసీఆర్ చేసిన సమీక్షలో కూడా హరీష్ రావు ఎక్కడా కనిపించలేదు.

ఇక, కాళేశ్వరం ప్రాజెక్టును కేసీఆర్ సందర్శించిన సమయంలోనూ హరీష్ రావు లేరు.గత క్యాబినెట్ లో హరీష్ రావు నీటి పారుదల శాఖ మంత్రిగా పనిచేశారు.రాష్ట్రంలో ప్రాజెక్టుల నిర్మాణంలో హరీష్ చాలానే కృషి చేశారు.

దీంతో అన్ని ప్రాజెక్టులపై హరీష్ రావుకు మంచి అవగాహన ఉంటుంది.అలాంటప్పుడు హరీష్ ని పిలిచి ఉండాల్సి అని పార్టీ లో టాక్ వినిపిస్తోంది.

ఈ నేపథ్యంలో అసలు హారీష్ కి మంత్రివర్గంలో కీలక స్థానం దక్కుతుందా.? అసలు మంత్రి పదవి దక్కుతుందా అనే అనుమానాలు కూడా.ప్రారంభం అయ్యాయి.