ముక్కోటి ఏకాదశి లో ఉత్తర ద్వార దర్శనం విశిష్టత ఏమిటంటే..?

ముక్కోటి ఏకాదశి( Mukkoti Ekadashi ) అంటే ధనుర్మాసంలో వచ్చే పరమ పవిత్రమైన రోజు.

ముక్కోటి ఏకాదశిని వైకుంఠ ఏకాదశి, పుత్రదా ఏకాదశి అని కూడా అంటారు.

అయితే ఆ రోజున ముఖ్యంగా వైష్ణవాలయలన్నీ భక్తులతో నిండిపోతాయి.ఉత్తర ద్వారా మార్గంలో స్వామిని దర్శించుకోవాలని ఆరోజు భక్తులు ఎంతో ఆరాటపడుతూ ఉంటారు.

ఏడాదిలో 24 ఏకాదశిలు వస్తాయి.ప్రతి ఏకాదశి చాలా పవిత్రమైనది.

అందులో మరీ విశేషంగా పరిగణించే ఏకాదశలు నాలుగు.ఆ విశేష ఏకాదశిలలో ఒకటిగా పరిగణించేదే ఈ వైకుంఠ ఏకాదశి.

అయితే సూర్యుడు ఉత్తరయానానికి మారే ముందు వచ్చే ధనుర్మాస శుద్ధ ఏకాదశిని( Dhanurmasa Suddha Ekadashi ) ముక్కోటి ఏకాదశి అని అంటారు.కృతయుగంలో ముర అనే రాక్షసుడు దేవదూతలను, దేవతలను, సాధువులను క్రూరంగా హింసించేవాడు.

ముర ఆక్రమాలను భరించలేక దేవతలు నారాయణస్వామి దగ్గర మొరపెట్టుకుంటారు.భగవంతుడు మురాసురుడి మీదికి దండెత్తి, అతడిని వధిస్తాడు.

ఆ రాక్షసుడు సాగర గర్భంలోకి దాక్కుంటే అతని బయటికి రప్పించేందుకు గోవిందుడు గుహలోకి వెళ్లి నిద్రపోతున్నట్లు నటిస్తారు.