వేస‌విలో రోజూ ఉద‌యం జీల‌క‌ర్ర నీరు తాగితే ఏం అవుతుందో తెలుసా?

జీలకర్ర ( cumin )అనేది మ‌న భారతీయ వంటకాల్లో ముఖ్యమైన మసాలా దినుసుగా ఉపయోగించబడుతుంది.ఆయుర్వేద వైద్యంలోనూ జీల‌క‌ర్ర విశేషమైన ప్రాముఖ్యతను క‌లిగి ఉంది.

ఇక‌పోతే ప్ర‌స్తుత వేస‌వి కాలంలో జీల‌క‌ర్ర ఆరోగ్యానికి కొండంత అండంగా ఉంటుంది.వేస‌విలో రోజూ ఉద‌యం జీల‌క‌ర్ర నీరు తాగితే అదిరిపోయే బెనిఫిట్స్ మీ సొంతం అవుతాయి.

స‌మ్మ‌ర్ సీజ‌న్ లో అధిక వేడి కార‌ణంగా చెమ‌ట‌లు ఎక్కువ ప‌ట్టి శరీరంలో నీటి శాతం తగ్గే ప్రమాదం ఉంటుంది.అయితే రోజూ ఉద‌యం ఒక గ్లాస్ జీలకర్ర నీరు( Cumin water ) తాగడం వల్ల తేమ నిల్వ ఉండటంతో పాటు శరీరానికి కూలింగ్ ఎఫెక్ట్ ను అందిస్తుంది.

వేస‌వి కాలంలో జీర్ణక్రియ మంద‌గించ‌డం వ‌ల్ల గ్యాస్‌, ఎసిడిటీ వంటి స‌మ‌స్య‌లు ఎక్కువ‌గా ఇబ్బంది పెడుతుంటాయి.అయితే జీలకర్ర నీరు ఆయా స‌మ‌స్య‌ల‌కు చెక్ పెడుతుంది.

జీలకర్రలో ఉన్న ఎంజైములు జీర్ణ వ్యవస్థను చక్కగా పనిచేయడానికి మ‌ద్ద‌తు ఇస్తాయి.