మూడు రాజధానుల కథ కంచికే ?

ఏపీలో వైఎస్ జగన్మోహన్ రెడ్డి( YS Jagan Mohan Reddy ) అధికారంలోకి వచ్చిన తరువాత ఎన్నో సరికొత్త విధానాలను అమల్లోకి తీసుకొచ్చారు.

వాలెంటరీ వ్యవస్థ, సచివాలయ వ్యవస్థ, డోర్ డెలివరీ, ఇలా చాలా వాటినే ప్రవేశ పెట్టారు.

ఇవన్నీ ప్రజల్లో చర్చనీయాంశంగా మారిన అంశాలే.ఇక ప్రజల్లో ఎప్పటికప్పుడు హాట్ టాపిక్ గా మారే మరో అంశం మూడు రాజధానులు.

జగన్ అధికారంలోకి వచ్చిన తరువాత పరిపాలనా వికేంద్రీకరణ పేరుతో మూడు రాజధానుల అంశాన్ని తెరపైకి తెచ్చారు.దేశంలో ఎక్కడ లేని విధంగా ఈ ప్రస్తావన తీసుకురావడంతో ఇతర పార్టీల నుంచి, అలాగే మెజారిటీ ప్రజల నుంచి మూడు రాజధానులపై వ్యతిరేకత వ్యక్తమౌతూనే వచ్చింది.

పాలన ఒకే చోట కెంద్రీకృతం అయితే అభివృద్ది జరగదని అందుకే మూడు రాజధానులను ప్రవేశ పెట్టాలని జగన్ చాలాసార్లు చెప్పుకొచ్చారు.