వాలంటీర్లు వర్సెస్ జనసేన !  టీడీపీ సైలెన్స్ 

జనసేన అధినేత పవన్ కళ్యాణ్( Pawan kalyan ) ఏపీలో వాలంటీర్ల పైన చేసిన వ్యాఖ్యలు సంచలనం సృష్టించడంతో పాటు తీవ్ర దుమారం రేపుతున్నాయి.

వాలంటీర్ల వ్యవస్థను అడ్డుపెట్టుకుని వైసిపి ప్రభుత్వం ఏ విధంగా లబ్ధి పొందుతోంది , ప్రజలకు ఏ విధంగా నష్టం జరుగుతుంది అనే అంశాలపై పవన్ వివరించే ప్రయత్నం చేయగా, అది పవన్ కి ఇబ్బందికరంగా మారింది.

వాలంటీర్లను కించపరిచే విధంగా జనసేన అధినేత పవన్ కళ్యాణ్ చేసిన వ్యాఖ్యలకు వెంటనే క్షమాపణ చెప్పాలని వాలంటీర్లు నిన్న , ఈరోజు ఆందోళన కార్యక్రమాలు చేపట్టారు.ఏపీలో అతిపెద్ద వ్యవస్థగా ఉన్న వాలంటీర్ల మీద పవన్ చేసిన వ్యాఖ్యలు జనసేనకు నష్టం చేకూర్చే విధంగా కనిపిస్తున్నాయి.

వాలంటీర్లను అడ్డం పెట్టుకుని అనేక అక్రమాలు  జరుగుతున్నాయి అని, వైసిపి నాయకులకు ప్రజల డేటా చేరిందని, ఈ విషయాన్ని కేంద్ర నిఘా సంస్థలు చెప్పాయని పవన్ చెప్పడం సంచలనంగా మారింది.