విశాఖ ఎంపీ సీటు ఎవరికో ? ఈ ఇద్దరి మధ్యే పోటీ ?

రాబోయే ఎన్నికలను దృష్టిలో పెట్టుకొని గత కొద్దిరోజులుగా ఏపీ తెలంగాణపై బీజేపీ ( BJP )అధిష్టానం ప్రత్యేకంగా దృష్టి సారించింది.

తెలంగాణ ఏపీలో బిజెపిని బలోపేతం చేసి, అధికారంలోకి వచ్చే విధంగా ప్రయత్నాలు చేస్తుంది.

అలాగే వీలైనంత ఎక్కువ ఎంపీ సీట్లను గెలుచుకోవాలనే పట్టుదలతో ఉండడంతో , కొద్దిరోజుల క్రితం ఏపీ,  తెలంగాణ బిజెపి అధ్యక్షులను మార్చారు.ఏపీ బీజేపీ అధ్యక్షురాలిగా మాజీ కేంద్రమంత్రి  దగ్గుపాటి పురందేశ్వరి ( Daggupati Purandeshwari )ని నియమించారు.

ఇక వచ్చే ఎన్నికల్లో విశాఖ నుంచి ఎంపీగా పోటీ చేయాలని పురందరేశ్వరి ప్రయత్నాలు చేస్తున్నారు.ఇప్పుడు ఏపీ బీజేపీ అధ్యక్షురాలుగా పదవి దక్కడంతో విశాఖ సీటుపై ధీమాగా ఉన్నారు.

అయితే ఇదే సీటుపై రాజ్యసభ సభ్యుడు జీవీఎల్ నరసింహారావు( GVL Narasimha Rao ) ఎప్పటి నుంచో ఆశలు పెట్టుకున్నారు.