వైరల్ వీడియో: మహారాష్ట్రలో ఘోర రోడ్డు ప్రమాదం.. ముగ్గురు మృతి..

సోమవారం మధ్యాహ్నం 2:26 గంటలకు ఈ యాక్సిడెంట్ జరిగింది.72 ఏళ్ల వయస్సు ఉన్న వసంత్ ఎం.చవాన్ అనే వ్యక్తి కారు సరిగా అదుపు చేయలేక ఈ ప్రమాదానికి కారణమయ్యాడు.చవాన్ శివాజీ యూనివర్సిటీలోని రిటైర్డ్ ప్రో వైస్ ఛాన్సలర్.

సీసీటీవీ దృశ్యాల ప్రకారం, మూడు బైకులు రోడ్డులో ముందుకు వెళ్తుండగా, నాలుగో బైక్ కుడి నుండి ఎడమ వైపుకి దిశ మార్చుకుంటుంది.కారు శరవేగంతో వెళ్లి, బైకులను ఢీకొట్టింది.

ఢీకొట్టిన వేగానికి, బైక్ రైడర్లు, ప్రయాణికులు గాల్లోకి ఎగిరిపడ్డారు.కారు ఒక స్తంభానికి ఢీకొని, ఆపై ఒక నిలిపి ఉన్న వాహనానికి ఢీకొట్టింది.

ఢీకొట్టిన క్షణాల్లోనే కారు కుడి వైపునకు పల్టీలు కొట్టింది.