వైరల్: స్కూల్‌లో టీచర్‌కి దమ్కీ ఇచ్చిన బుడ్డోడు.. మిస్! నాతో పెట్టుకోవద్దు మా నాన్న పోలీస్?

ఈమధ్య కాలంలో సోషల్ మీడియాలో చిన్న పిల్లల ఇన్నోసెంట్‌ వీడియోలు బాగా వైరల్ అవుతున్నాయి.

ఈమధ్యన కోపంగా ఉన్న మేడమ్‌ను బుజ్జగించడం కోసం ఆమె బుగ్గలపై ఓ విద్యార్థి ముద్దుపెట్టిన సంగతి మరిచిపోక ముందే ఓ వీడియో దానికి రివర్స్ కౌంటర్ లాగ నెట్టింట్లో తెగ వైరల్ అవుతోంది.

కాగా ఆ చిన్నారి వీడియో నెటిజన్ల దృష్టిని విపరీతంగా ఆకర్షించడంతో తెగ పాపులర్ అవుతోంది.అయితే ఈ వీడియో ఎప్పుడు, ఎక్కడ తీశారనేది మాత్రం ఇంకా క్లారిటీ లేదు.

ఇక వైరల్ అవుతున్న వీడియోని ఒకసారి చూస్తే, ఓ స్టూడెంట్‌ ఏడుస్తూనే తన టీచర్‌ను బెదిరించడం అందులో గమనించవచ్చు.ముందుగా అమాయకంగా ముఖం పెట్టి, మా నాన్న పోలీస్‌! అని అంటాడు.

దీనికి రిప్లైగా మేడమ్‌ అయితే ఏం చేయాలి? అని సమాధానమిస్తుంది.ఆ తర్వాత విద్యార్థి గోలీమార్‌ దేంగే (బుల్లెట్‌తో కాలుస్తాను) అని చెబుతాడు.

దీనికి టీచర్‌ నవ్వుతూ నీకు చదువుకోవడం ఇష్టం లేదా అని అడుగుతుంది.దానికి వాడు సమాధానం చెప్పడు.

అయితే బాబు తీరుపై మాత్రం నెటిజన్లు భిన్న రకాలుగా స్పందించడం కొసమెరుపు.