అఫిషియల్‌ : విజయ్ దేవరకొండ, సమంత మూవీ క్లాప్.. ఫ్యాన్స్ ఖుషి

గత కొన్ని వారాలుగా విజయ్ దేవరకొండ హీరోగా సమంత హీరోయిన్ గా శివ నిర్వాన దర్శకత్వం లో మైత్రి మూవీ మేకర్స్ వారు ఒక సినిమా ను నిర్మించబోతున్నారు అంటూ వార్తలు వస్తున్నాయి.

ఆ విషయం లో కొందరు అనుమానాలు వ్యక్తం చేశారు.

ఎందుకంటే ఇటీవలే పూరి జగన్నాద్‌ దర్శకత్వం లో జనగణమన అనే సినిమా ను విజయ్ దేవరకొండ చేయబోతున్నాడు.ఆ సినిమా కు సంబంధించిన చిత్రీకరణ ప్రారంభించారు.

హీరోగా మరో ఏడాది పాటు పూరి తోనే బిజీగా ఉంటాను అంటూ విజయ్ దేవరకొండ ప్రకటించాడు.దాంతో శివ నిర్వాన సినిమా ఇప్పట్లో పట్టాలు ఎక్కే అవకాశం లేదు అనుకున్నారు.

మీడియా లో వచ్చేవి కేవలం పుకార్లు మాత్రమే అంటూ ప్రచారం చేసిన వారు కూడా కొందరు ఉన్నారు.అయితే తాజాగా సినిమా అధికారిక ప్రకటన వచ్చింది.

అంతే కాకుండా సినిమాకు సంబంధించిన పూజా కార్యక్రమాలు లాంచనంగా జరిగాయి.