President Joe Biden : బోయింగ్‌ విమానాల్లో వరుస ప్రమాదాలు.. డోర్ దగ్గర కూర్చోనంటూ జో బైడెన్ సెటైర్లు

ప్రఖ్యాత విమాన తయారీ సంస్థ బోయింగ్ ( Boeing ) రూపొందించిన విమానాలు ఇటీవలి కాలంలో వరుసగా ప్రమాదాల బారినపడుతూ వుండటంతో విమర్శకులు, నిపుణులు వాటి భద్రతపై ఆందోళన వ్యక్తం చేస్తున్నారు.

ఈ నేపథ్యంలో అమెరికా అధ్యక్షుడు జో బైడెన్( US President Joe Biden ) బోయింగ్ సంస్థపై సెటైర్లు వేశారు.

అమెరికా అధ్యక్ష ఎన్నికల ప్రచారం కోసం జో బైడెన్ న్యూయార్క్‌లో నిధుల సేకరణ కార్యక్రమంలో పాల్గొన్నారు.రేడియో సిటీ మ్యూజిక్ హాల్‌లో జరిగిన ఈ ఈవెంట్‌లో సీబీఎస్ లేట్ షో హోస్ట్ స్టీవెన్ కోల్‌బర్ట్, ( Steven Colbert ) అధ్యక్షుడితో కలిసి న్యూయార్క్ నగరానికి చేరుకున్నారు.

అంతకుముందు ఎయిర్‌ఫోర్స్ వన్ (అమెరికా అధ్యక్షుడి అధికారిక విమానం)కు బోల్ట్‌లను బిగించారా అని రవాణా కార్యదర్శి పీట్ బుట్టిగీగ్ ఆరా తీశారు.బోయింగ్‌ విమానాల్లో జరుగుతున్న వరుస పరిణామాలపై బైడెన్ స్పందిస్తూ.

తాను తలుపు దగ్గర కూర్చోనని సెటైర్లు వేశారు.కానీ ఆ వెంటనే అప్రమత్తమై తాను జోక్ చేస్తున్నానంటూ కామెంట్ చేశారు.

ఎయిర్‌ఫోర్స్ వన్‌ను( Air Force One ) బోయింగ్ సంస్థే తయారు చేసింది.బోయింగ్ 747 200 బీ విమానాన్ని అమెరికా అధ్యక్షుడి కోసం శత్రుదుర్భేద్యయంగా రూపొందించింది.

దీనిని ఎగిరే శ్వేతసౌథంగా వ్యాఖ్యానిస్తూ వుంటారు.