టాలీవుడ్ ఇండస్ట్రీలో చరిత్రలో లేని విధంగా భారీ ఫ్యాన్ వార్స్..?

ప్రస్తుతం టాలీవుడ్ ఇండస్ట్రీలో ఎన్నడూ లేని విధంగా హీరోలు, అభిమానుల మధ్య భారీ యుద్ధం నడుస్తోంది.బాలయ్య వెర్సెస్ తారక్, బన్నీ వెర్సెస్ మెగా ఫ్యాన్స్ మధ్య ఇప్పుడు పచ్చ గడ్డి వేస్తే భగ్గుమంటోంది.

2024 ఎన్నికల్లో అల్లు అర్జున్( Allu Arjun ) పవన్ కళ్యాణ్( Pawan Kalyan ) తరఫున ప్రచారం చేయలేదు కానీ వైసీపీ అభ్యర్థి తరఫున స్వయంగా వెళ్లి క్యాంపెయిన్ నిర్వహించారు.ఆ తర్వాత నాగబాబు సొంతవాడైనా పగవాడే అంటూ ఇన్‌డైరెక్ట్‌గా బన్నీని టార్గెట్ చేసినట్లుగా తెలిసింది.

మరోవైపు పవన్ "ఈ రోజుల్లో హీరోలు స్మగ్లర్లగా నటిస్తున్నారు, ఇండస్ట్రీకి ఇలాంటి దుస్థితి వచ్చింది" అన్నట్లు మాట్లాడారు.ఇక మెగా ఫాన్స్ కూడా బన్నీని ఏకపారేస్తున్నారు.పుష్ప-2( Pushpa 2 ) సినిమాని బ్యాన్ చేయాలంటూ సోషల్ మీడియాలో చిన్నపాటి ఉద్యమం కూడా మొదలుపెట్టారు.నిజానికి బన్నీ జై పవన్ కళ్యాణ్, జై చిరంజీవి అని ఎక్కడా, ఎప్పుడూ నినాదాలు చేయాల్సిన అవసరం లేదు.

తనకంటూ సొంత ఫ్యాన్స్ ఉండాలని, సొంతంగా ఎదగాలని ఒక ఆశ ఉండటంలో అసలు తప్పే లేదు.టాలెంట్ ఉన్నా కూడా బన్నీ మెగా క్యాంప్ కిందే బతకాల్సిన అవసరం ఏంటి? అల్లు రామలింగయ్య చిరంజీవికి ఎంతో సపోర్ట్ చేశారు.మెగాస్టార్ కూడా బన్నీ ఫ్యామిలీకి ఎంతో చేశారు.

ఇండస్ట్రీలో నిలబడ్డారంటే ఇరువురి సపోర్టు ఉందనే చెప్పుకోవాలి.