ట్యాలెంట్ ఎవరి సొంతం కాదు... నవీన్ పోలిశెట్టి కి అందరు ఫిదా అవ్వాల్సిందే !

జాతి రత్నాలు ఫేమ్ నవీన్ పోలిశెట్టి( Naveen Polishetty ) చాలా టాలెంటెడ్ ఆర్టిస్ట్ అని చెప్పుకోవచ్చు.

ఈ హీరో కామెడీ టైమింగ్, డైలాగ్ డిక్షన్ నెక్స్ట్ లెవెల్‌లో ఉంటుంది.

జబర్దస్త్ టైపు అశ్లీల కామెడీతో అటు టీవీ షోలు, ఇటు సినిమాలు భ్రష్టు పట్టుకుపోయాయి.ఇలాంటి సమయంలో హెల్తీ కామెడీ చేస్తూ నవీన్ పోలిశెట్టి ప్రత్యేకంగా నిలుస్తున్నాడు.

ఒక్క డబుల్ మీనింగ్ లేదా బూతు మాట లేకుండా పొట్ట చెక్కలయ్యేలా నవ్విస్తూ తన రియల్ టాలెంట్ ని బయటపెడుతున్నాడు.మకిలి పట్టిన తెలుగు కామెడీ దుమ్ము దులిపేస్తున్నాడు.

ప్రస్తుత కమెడియన్లు ఇతన్ని చూసి చాలా నేర్చుకోవాలి.జాతిరత్నాలు,( Jathi Ratnalu ) ఏజెంట్ సాయి శ్రీనివాస ఆత్రేయ, చిచోరా, మిస్ శెట్టి మిస్టర్ పోలిశెట్టి సినిమాల్లో నవీన్ పండించిన కామెడీ చూస్తే అంత డీసెంట్‌గా కూడా కామెడీ పండించగలరా అని ఆశ్చర్యపోకు తప్పదు.

సినిమాల్లోకి రాకముందు స్టాండప్ కమెడియన్‌గా కొన్ని అడల్ట్ జోకులు చేసాడేమో కానీ సినిమాల్లోకి వచ్చాక వాటి జోలికి వెళ్లడం లేదు.యూట్యూబర్, టీవీ షోల్లో కూడా చాలా హెల్తీ కామెడీ చేసి ప్రేక్షకులకు ఎంతగానో దగ్గర అయ్యాడు.

మంచి యాక్టర్ కావాలనే కలిసి చివరకు పార్ట్ టైం జాబులు చేశాడు.సివిల్ ఇంజనీర్ పేరిట లండన్ వెళ్లి అక్కడ కూడా యాక్టింగ్‌పై దృష్టి సారించాడు.

అయితే అనుష్కతో సినిమా చేశాక ఇప్పటిదాకా ఎలాంటి మూవీ ప్రకటించలేదు.దాంతో చాలా రూమర్స్ వచ్చాయి.

ఈ నేపథ్యంలో తనకి ఒక చిన్న యాక్సిడెంట్ అయ్యిందని, అంతకుమించి ఇంకేమీ కాలేదని వివరణ ఇచ్చాడు.