అమెరికా గూఢచారి చీఫ్‌గా తులసి గబ్బర్డ్.. ఆమె మిలిటరీ విన్యాసాల వీడియో వైరల్!

మాజీ డెమోక్రటిక్ కాంగ్రెస్ సభ్యురాలు తులసి గబ్బర్డ్( Tulsi Gabbard ) పేరు ఇప్పుడు అమెరికా రాజకీయాల్లో మారుమోగిపోతోంది.

ఎందుకంటే ఆమెను ఏకంగా దేశపు గూఢచారి విభాగం చీఫ్‌గా( US Intelligence Chief ) నియమించారు.

అమెరికా జాతీయ నిఘా విభాగానికి డైరెక్టర్ ఆఫ్ నేషనల్ ఇంటెలిజెన్స్( DNI ) గా ఆమె నియామకాన్ని సెనేట్ బుధవారం ఆమోదించింది.ఓటింగ్‌లో 52-48 తేడాతో ఆమె గెలుపొందారు.

అధ్యక్షుడు డొనాల్డ్ ట్రంప్( President Donald Trump ) స్వయంగా తులసికి మద్దతు పలకడం విశేషం.దీంతో ఆమె ఒక్కసారిగా 18 నిఘా సంస్థల పనులను పర్యవేక్షించే అత్యున్నత స్థానానికి చేరుకున్నారు.

ఈ నియామకం మామూలు విషయం కాదు.ఇది ఒక పెద్ద రాజకీయ మలుపు అంటున్నారు విశ్లేషకులు.

తులసి గబ్బర్డ్ పేరు వింటేనే చాలా మందికి మంటెక్కుతాయి.అంతలా ఆమె అమెరికా రాజకీయాల్లో ఒక వివాదాస్పద వ్యక్తిగా ముద్ర వేయించుకున్నారు.

అమెరికా విదేశాంగ విధానంపై ఆమెకున్న అభిప్రాయాలు చాలా స్ట్రాంగ్.పైగా ఆమె డెమోక్రటిక్ పార్టీని 2022లోనే వదిలేశారు.

పార్టీ నాయకత్వం సరిగ్గా లేదని దుమ్మెత్తిపోశారు.ఇది చాలదన్నట్లు, తులసికి భారతదేశం అంటే అభిమానం.

హిందూ అమెరికన్లకు ఆమె అండగా ఉంటారు.