ఒకే కుటుంబం.. ఒకేసారి కానిస్టేబుల్ జాబ్స్ సాధించిన ముగ్గురు సోదరులు.. గ్రేట్ అనేలా?

తెలంగాణ రాష్ట్రంలో తాజాగా కానిస్టేబుల్ పరీక్ష ఫలితాలు విడుదల కాగా ఈ ఫలితాలలో ఒకే కుటుంబానికి చెందిన వాళ్లు, ఒకే గ్రామానికి చెందిన వాళ్లు ఎక్కువగా ఉద్యోగాలు సాధించడం సోషల్ మీడియా వేదికగా హాట్ టాపిక్ అవుతోంది.

ఒకే కుటుంబానికి చెందిన ముగ్గురు సోదరులు కానిస్టేబుల్ జాబ్ కు ఎంపికై ఔరా అనేలా చేశారు.

మెదక్ జిల్లా నిజాంపేట్ మండలం నందిగామ గ్రామానికి చెందిన శ్రావణ్, ప్రశాంత్, సందీప్ ( Shravan, Prashant, Sandeep )కానిస్టేబుల్ ఉద్యోగాలకు ఎంపికై సత్తా చాటారు.సంగు లక్ష్మి సంగు దుర్గయ్య( Sangu Lakshmi Sangu Durgaya ) దంపతులకు ముగ్గురు కొడుకులు కాగా తెలంగాణ కానిస్టేబుల్ పరీక్షలలో ఈ ముగ్గురు కొడుకులు అర్హత సాధించి ప్రశంసలు అందుకున్నారు.

ఒకే కుటుంబానికి చెందిన ముగ్గురు సోదరులు కానిస్టేబుల్ పరీక్షలలో మంచి ఫలితాలను సాధించడంతో కుటుంబ సభ్యుల ఆనందానికి అవధులు లేకుండా పోయాయి.కష్టపడి చదివితే సక్సెస్ సాధించవచ్చని ఈ యువకులు ప్రూవ్ చేశారు.