సంవత్సరానికి ఒక్కసారి మాత్రమే దర్శనమిచ్చే అమ్మవారి దేవాలయం ఇదే..!

హసనాంబ అమ్మవారు( Hasanamba ) సంవత్సరానికి ఒకసారి మాత్రమే భక్తులకు దర్శనమిస్తారు.అందులోనూ దీపావళి పర్వదినాన మాత్రమే దేవాలయాన్ని తెరుస్తారని స్థానిక భక్తులు చెబుతున్నారు.

ఈ దేవాలయ విశేషాల గురించి ఇప్పుడు తెలుసుకుందాం.ఈ దేవాలయం కర్ణాటక( Karnataka )లోని హసన్ జిల్లాలో ఉంది.జైన మతాన్ని బాగా నమ్మే హోయ్‌సల సామ్రాజ్యంలోని రాజులు ఈ ఆలయాన్ని నిర్మించారు.12వ శతాబ్దంలో ఈ హసనాంబ అమ్మవారి దేవాలయం నిర్మించారు.దీపావళి పండుగ సమయంలో మాత్రమే ఈ దేవాలయాన్ని తెరిచి ఉంచుతారు.

దీని వల్ల భక్తులు అమ్మవారి దర్శనానికి భారీ సంఖ్యలో తరలివస్తారు.మళ్ళీ దీపావళి వరకు అమ్మవారి దగ్గర అందించిన నంద దీపం వెలుగుతూనే ఉంటుందని పూజారులు చెబుతున్నారు.

<ఇంకా చెప్పాలంటే దీపంతో పాటు అన్న నైవేద్యం, పూలు, నీళ్లు కూడా అమ్మవారి ముందు ఉంచుతారు.నంద దీపంలో నెయ్యి అయిపోకుండా ఏడాది పాటు వెలిగేలా చూసుకుంటారు.

మరో ఆసక్తికరమైన విషయం ఏమిటంటే అమ్మవారికి పెట్టే అన్న నైవేద్యం మళ్ళి తర్వాత తలుపులు తెరిచాక కూడా చెడిపోకుండా అలాగే ఉంటుందని భక్తులు చెబుతున్నారు.బ్రహ్మీ, మహేశ్వరి, కౌమారి వైష్ణవి, వారాహి, ఇంద్రాణి, చాముండి అమ్మవారు ఒకరోజు హాసన్ జిల్లాకు వచ్చినప్పుడు అక్కడి అందాలు చూసి పరవశించిపోయారు.

దాంతో అక్కడే కొలువై ఉండాలని నిర్ణయించుకున్నారని భక్తులు కూడా చెబుతున్నారు.