Ilayaraja Vamsi : ఇళయరాజా అడిగిన ఆ ఒక్క మాటతో మ్యూజిక్ డైరెక్టర్‌గా అవతారమెత్తిన దర్శకుడు వంశీ..?

దిగ్గజ సంగీత దర్శకుడు ఇళయరాజా( Ilayaraja ) డైరెక్టర్ వంశీతో కలిసి చాలానే సినిమాల్లో పని చేశాడు.వీరిద్దరి కాంబినేషన్‌లో వచ్చిన సినిమాలలోని పాటలు అత్యంత మధురంగా ఉంటాయని చెప్పుకోవచ్చు.

ఆ పాటలు పెద్ద మ్యూజికల్ హిట్స్ గా కూడా నిలిచాయి.1984లో సితార( Sitara ) సినిమాతో వీరి కాంబో ప్రారంభమైంది.ఈ డ్యూయో 1992లో డిటెక్టివ్ నారద వరకు చాలా సినిమాలకు కలిసి వర్క్ చేశారు.

ఆ సినిమాలు కమర్షియల్ సక్సెస్ తో సంబంధం లేకుండా పాటలతో బాగా ఆకట్టుకున్నాయి.వంశీ సినిమా అనగానే ఇళయరాజా కంపోజ్ చేసిన పాటలే అందరికీ గుర్తొచ్చేవి.ప్రతి వంశీ( Director Vamsi ) సినిమాకి మ్యూజిక్ డైరెక్టర్ ఇళయరాజానే అని ప్రతి ప్రేక్షకుడు భావించేలా వారి కాంబో రిపీట్ అయింది.

కానీ కొంతకాలానికి ఊహించని విధంగా వీరు కలిసి పనిచేయడం ఆపేశారు.ఇళయరాజా విడిపోయాక స్వయంగా వంశీనే మ్యూజిక్ డైరెక్టర్‌గా అవతారమెత్తి ఆశ్చర్యపరిచాడు.

అయితే కొన్ని ఏళ్లకు ఇళయరాజా లాంటి పాటలే తన సినిమాలో ఉండాలని భావించి చక్రిని( Chakri ) మ్యూజిక్ డైరెక్టర్ గా తీసుకున్నాడు.