సైన్స్ కి అంతుచిక్కని పూరి జగన్నాథ ఆలయ రహస్యాలు ఇవే..!

మన దేశంలో ఎన్నో ప్రసిద్ధి చెందిన దేవాలయాలు ఉన్నాయి.అలాంటి అద్భుతమైన దేవాలయాలలో ఎన్నో వింతలు, రహస్యాలు దాగి ఉన్నాయి.

ఇప్పటికి కూడా కొన్ని ఆలయాల్లో దాగి ఉన్న రహస్యాలను ఎవరు కనుగొనలేకపోయారు.ఈ విధమైనటువంటి సైన్సుకు దొరకని ఎన్నో రహస్యాలు దాగి ఉన్న ఆలయాలలో చార్ ధామ్ క్షేత్రాలలో ఒకటిగా ప్రసిద్ధి చెందిన పూరీ జగన్నాథ ఆలయం ఒకటి.

ప్రతి సంవత్సరం జరిగే ఈ పూరి జగన్నాథ రథోత్సవ కార్యక్రమానికి దేశవిదేశాల నుంచి భక్తులు పెద్ద ఎత్తున తరలి వస్తుంటారు.బ్రహ్మోత్సవాలను ఎంతో ఘనంగా జరుపుకునే ఈ పూరి ఆలయం గురించి ఎన్నో రహస్యాలు దాగి ఉన్నాయి.

అయితే సైన్స్ కి అంతుపట్టని రహస్యాలు ఏమిటో ఇక్కడ తెలుసుకుందాం.పురాణాల ప్రకారం పాండవులు యమలోకానికి వెళుతున్న సమయంలో మోక్షానికి చేరువ చేసి ఈ పూరి జగన్నాథ ఆలయాన్ని సందర్శించారని తెలుస్తోంది.

నలభై ఐదు అంతస్తులు కలిగినటువంటి ఈ ఆలయంపై ప్రతినిత్యం జెండాను మారుస్తూ ఉండటం ఎంతో ఆశ్చర్యం కలిగించే విషయం.అదేవిధంగా ఈ ఆలయంపై ఉన్న జెండా గాలివీచే దిశలో కాకుండా వ్యతిరేక దిశలో రెపరెపలాడుతూనే ఉంటుంది.

అయితే ఈ జెండా గాలికి వ్యతిరేక దిశలో ఎగరడానికి గల కారణం ఏమిటనే విషయం ఇప్పటికీ అంతుచిక్కని రహస్యం గానే మిగిలిపోయింది.