లాంచ్ అయిన కొత్త హెల్మెట్ ఇంటర్‌కామ్.. దీని ధర ఏకంగారూ.25 వేలట..?

Padma Lingam

News Reporter

2024-08-25   14:25:21  IST

బెంగళూరులోని బ్లూఆర్మర్ ( Blue Armor )అనే స్టార్టప్ కంపెనీ కొత్తగా బ్లూఆర్మర్ C50 ప్రో( BlueArmor C50 Pro ) అనే హెల్మెట్ ఇంటర్‌కామ్ సిస్టమ్‌ను మార్కెట్‌లోకి తీసుకువచ్చింది.ఈ పరికరం ధరను ఏకంగా రూ.

Ad

24,999గా నిర్ణయించింది.దీన్ని బ్లూఆర్మర్ అఫీషియల్ వెబ్‌సైట్ ద్వారా బుక్ చేసుకోవచ్చు.

ఈ నెల 28వ తేదీ నుంచి షిప్పింగ్ ప్రారంభం కానుంది.ఈ కొత్త C50 ప్రో మోడల్, ముందుగా వచ్చిన C30 మోడల్‌ కంటే చాలా చిన్నదిగా, తేలికగా ఉంటుంది.

అంతేకాకుండా, ఇది మరింత అడ్వాన్స్‌డ్‌ ఫీచర్లతో వచ్చింది.ఈ పరికరాన్ని రూపొందించేటప్పుడు, ముందుగా ఈ కంపెనీ ఉత్పత్తులను వాడిన వారి అభిప్రాయాలను, బైక్ డిజైనర్లు, ఇంజనీర్లు ఇచ్చిన సలహాలను కూడా పరిగణనలోకి తీసుకున్నారు.

Advertisement

బ్లూఆర్మర్ C50 ప్రో హెల్మెట్ ఇంటర్‌కామ్ సిస్టమ్‌లో ఉపయోగించిన రైడ్‌గ్రిడ్ 2.0 టెక్నాలజీ ( RideGrid 2.0 technology )మునుపటి వెర్షన్‌ కంటే చాలా శక్తిమంతమైనది.ఈ కొత్త టెక్నాలజీ వల్ల చాలా క్లియర్, హై-డెఫినిషన్ వాయిస్‌తో స్నేహితులతో మాట్లాడవచ్చు.

అంతేకాకుండా, ఈ సిస్టమ్ మధ్యలో ఎలాంటి అంతరాయం లేకుండా పని చేయడానికి ALTTM అనే టెక్నాలజీని ఉపయోగిస్తుంది.ఈ కొత్త సిస్టమ్‌లో మరో ఆసక్తికరమైన ఫీచర్ ఏంటంటే, మీరు మీ స్నేహితులతో మీ ఫోన్‌లో ఉన్న పాటలను పంచుకోవచ్చు.

అంటే, ఏ పాట వినుతున్నారో, మీ స్నేహితులు కూడా అదే పాటను వినవచ్చు.ఈ ఫీచర్‌ను అందించే మొదటి ఇంటర్‌కామ్ సిస్టమ్ ఇదే.

బ్లూఆర్మర్ తన సొంత టెక్నాలజీని ఉపయోగించి ఈ సిస్టమ్‌ను రూపొందించింది.దీని వల్ల చాలా మంచి సౌండ్ క్వాలిటీ లభిస్తుంది.అంతేకాకుండా, ఈ సిస్టమ్‌లో రెండు రకాల నాయిస్ క్యాన్సిలేషన్ ఫీచర్లు ఉన్నాయి.

దీని వల్ల బైక్‌పై వెళ్తున్నప్పుడు కూడా చాలా స్పష్టంగా ఒకరితో ఒకరు మాట్లాడవచ్చు.బ్లూఆర్మర్ C50 ప్రో హెల్మెట్ ఇంటర్‌కామ్ సిస్టమ్‌లో PORTWEAVETM అనే ఒక ప్రత్యేకమైన ఫీచర్ ఉంది.

దీని వల్ల ఫోన్, GPS లాంటి ఇతర పరికరాలను చాలా సులభంగా కనెక్ట్ చేయవచ్చు.సేఫ్టీ కోసం ఈ హెల్మెట్‌లో RIDEAURATM LED లైట్లు ఉన్నాయి.

బైక్ స్పీడ్ తగ్గించినప్పుడు ఈ లైట్లు ఆటోమేటిక్‌గా ఆన్ అవుతాయి.అలాగే, అవసరమైన సమయాల్లో హజార్డ్ లైట్స్ లాగా కూడా మెరుస్తాయి.

బైక్‌పై ప్రయాణిస్తున్నప్పుడు ఏదైనా ప్రమాదం జరిగితే, ఈ హెల్మెట్‌లో ఉన్న క్రాష్ డిటెక్షన్ ఫీచర్ ఆటోమేటిక్‌గా ఎమర్జెన్సీ కాంటాక్ట్‌కు ఒక SOS అలర్ట్ పంపుతుంది.