నష్టం అంతా ఇంతా కాదు... నేడు కేంద్ర బృందం రాక

అకస్మాత్తుగా కురిసిన భారీ వర్షాలు వరదలతో రెండు తెలుగు రాష్ట్రాలకు జరిగిన నష్టం అంతా ఇంతా కాదు.

ఈ వర్షాలు,  వరదలతో జనాలు అష్ట కష్టాలను ఎదుర్కొన్నారు ఎంతోమంది ప్రాణాలను కోల్పోగా,  భారీగా ఆస్తి నష్టం జరిగింది.

  ఇక వర్తక వ్యాపారాలు ఎక్కడకక్కడ స్తంభించిపోయాయి.ముఖ్యంగా ఏపీలోని విజయవాడ( Vijayawada in AP ) నగరానికి వచ్చిన కష్టం అంతా ఇంతా కాదు.

వాణిజ్య రాజధానిగా ఉన్న విజయవాడలో గత నాలుగు రోజుల నుంచి పూర్తిగా వ్యాపారాలన్నీ మూతపడ్డాయి .వందల కోట్ల రూపాయల నష్టం వాటిల్లింది.ఆ నష్టాన్ని అంచనా వేయడానికి కూడా అవకాశం లేదన్నట్లుగా పరిస్థితి ఏర్పడింది.

గత నాలుగు రోజుల నుంచి పడిన భారీ వర్షాలతో ప్రకాశం బ్యారేజీ( Prakasam Barrage ) నుంచి 11 లక్షల క్యూ సెక్కుల నీరు ఒక్కసారిగా విడుదల కావడంతో విజయవాడ చాలావరకు మునిగిపోయింది.చాలా వరకు ఇళ్లు ముంపునకు గురికాగా,  మరికొన్నిచోట్ల జనాలు ఇళ్ల నుంచి బయటికి వచ్చే పరిస్థితి లేకుండా పోయింది.