కదల్లేని స్థితిలో జింక.. ప్రాణాలకు తెగించి కాపాడారు..

ఏవైనా అగ్ని ప్రమాదాలు, ఇతర ప్రమాదాలు జరిగినప్పుడు బాధితులను కాపాడడానికి చాలా మంది వెనుకంజ వేస్తుంటారు.

అందులోనూ మూగజీవులు ప్రమాదంలో ఉంటే పోనీలే అని వదిలేసి వెళ్లిపోతారు.

అయితే తమకు సమాచారం ఇస్తే అగ్నిమాపక సిబ్బంది( Firefighters ) అక్కడకు చేరుకుంటారు.మంటలను ఆర్పడంతో పాటు తమ ప్రాణాలు పణంగా పెట్టి ప్రజలను కాపాడుతుంటారు.

ఇలా ఆపదలో ఉన్న వారిని కాపాడుతూ అగ్నిమాపక సిబ్బంది ప్రశంసలు అందుకుంటారు.ఇదే కోవకు చెందిన హృదయాన్ని హత్తుకునే ఓ వీడియో సోషల్ మీడియాలో కనిపించింది.

వీడియోలో, మంచు సరస్సులో చిక్కుకున్న జింకను రక్షించడానికి అగ్నిమాపక సిబ్బంది తమ ప్రాణాలను పణంగా పెట్టడం కనిపిస్తుంది.ఈ కారణంగానే ఈ అగ్నిమాపక సిబ్బంది నోరు లేని ఓ మూగజీవిని కాపాడి నెటిజన్ల ప్రశంసలు అందుకుంటున్నారు.