వీడియో: నెటిజన్లను నవ్విస్తున్న ఎలాన్ మస్క్ రోబో.. తడబడుతూనే నడక నేర్చుకుంటోందిగా..?

ప్రస్తుత కాలంలో రోబోటిక్స్ అనేది చాలా ముఖ్యమైన టెక్నాలజీ.ఇది మన జీవితాల్లో ఒక భాగంగా మారిపోయింది.

అయితే, ఈ రోబోలు కూడా మనుషుల్లాగే నేర్చుకుంటూ అభివృద్ధి చెందుతున్నాయి.రీసెంట్‌గా, టెస్లా కంపెనీ అధినేత ఎలాన్ మస్క్( Elon Musk ) రూపొందించిన ఆప్టిమస్( Optimus ) అనే హ్యూమనాయిడ్ రోబో వాలుగా ఉన్న ప్రదేశంలో నడవడం నేర్చుకుంటోంది.

దానికి సంబంధించిన వీడియో ఒకటి సోషల్ మీడియాలో వైరల్ అయింది.ఆ వీడియోలో, ఆప్టిమస్ బ్యాలెన్స్ తప్పి, తడబడుతూ, దాదాపు పడిపోయేంతగా కనిపించింది.

ఒక చిన్న పాప నడక నేర్చుకునేటప్పుడు ఎలా తడబడుతుందో, అలాగే ఉంది ఆ రోబో కూడా.అయినప్పటికీ, ఆ రోబో పడిపోకుండా తన బ్యాలెన్స్ ని తిరిగి తెచ్చుకుని ముందుకు సాగింది.

ఈ వీడియో చూసిన నెటిజన్లు రకరకాల కామెంట్లు చేస్తున్నారు.కొందరు రోబో కష్టాన్ని చూసి జాలి పడుతుంటే, మరికొందరు మాత్రం ఫ్యూచర్ లో రోబోలదే రాజ్యం అంటూ ఫన్నీ కామెంట్లు చేస్తున్నారు.

ఏది ఏమైనా, టెక్నాలజీ ఎంత అభివృద్ధి చెందుతుందో ఈ వీడియో చెప్పకనే చెబుతోంది.