ఎప్పుడు చూడు ఎవరొకరిని విడగొట్టడమే.. ఏడుపుగొట్టు సీరియల్స్ ఇంట్లో తలపోటు?

బుల్లితెరపై ప్రస్తుతం సీరియల్స్ హవా బాగా నడుస్తుందనే చెప్పవచ్చు.ఈ సీరియల్స్ హవా అనేది ముందు తరాల నుంచి వస్తూనే ఉంది.

ప్రస్తుతం వెండితెర కంటే ఎక్కువగా బుల్లితెరపై బాగా ఆసక్తి చూపిస్తున్నారు ప్రేక్షకులు.నిజానికి సీరియల్స్ కి బాగా ఆకర్షితులవుతున్నారు.

సీరియల్ సమయం ప్రారంభం కాగానే సామాన్యులే కాదు సెలబ్రెటీలు సైతం ఆ సమయంలో ఎన్ని పనులు ఉన్నా వదులుకొని మరి చూస్తున్నారు.ఒకప్పుడు సీరియల్ లలో మంచి మంచి కథలు ప్రసారమయ్యేవి.

కానీ ఇప్పుడు వస్తున్న సీరియల్స్ లో అన్ని కథలు ఒకలాగే ఉన్నాయి.ముఖ్యంగా ఒక మగవాడి కోసం ఇద్దరు ఆడవాళ్లు కొట్లాడుతున్న కథలను, ఎవరినో ఒకరిని విడగొట్టే కాన్సెప్ట్ ను తీసుకొని వస్తున్నారు డైరెక్టర్లు.

దీంతో ప్రేక్షకులు కూడా మొదట్లో ఆసక్తి చూపిన అన్ని సీరియల్లలో ఇదే రొటీన్ కథ నడుస్తుంది అని సీరియల్ చూడటం కూడా మానేశారు.హీరో కోసం హీరోయిన్ తో పాటు లేడీ విలన్ కూడా హీరో కోసమే తాపత్రయ పడుతుండడం.

లేదా ఒక హీరోయిన్ కోసం హీరో కానీ విలన్ కానీ వెంటపడటం.ఎవరైనా ఇద్దరు కలిసి ఉంటే.

వాళ్ల కాపురంలో చిచ్చు పెట్టడం లాంటివి మాత్రమే నడుస్తున్నాయి.ప్రస్తుతం అన్ని సీరియల్స్ లో ఇటువంటి స్టోరీలే కనిపిస్తున్నాయి.