పవన్ దూకుడుపై టీడీపి అలెర్ట్ ! బిజేపి పై అనుమానం ? 

జనసేన అధినేత పవన్ కళ్యాణ్ పిఠాపురం సభలో మాట్లాడిన మాటలు టిడిపి కూటమిలో ఆసక్తికరమైన చర్చకు తెరతీశాయి .

తమ మిత్రపక్షంగా ఉన్న టిడిపికి పరోక్షంగా పవన్ వార్నింగ్ ఇచ్చేలా మాట్లాడడం, ఏపీలో శాంతిభద్రతలు అంతగా బాలేదు అన్నట్లుగా పవన్ వ్యాఖ్యానించడం పై టిడిపిలోను చర్చ జరుగుతుంది.

పిఠాపురం సభ మాదిరిగానే ఏలూరు సభలోని పవన్ ఆవేశంగా మాట్లాడారు.  తేడా వస్తే తాట తీస్తాను అంటూ హెచ్చరికలు చేశారు.

శాంతిభద్రతలు విషయంపై చేసిన కామెంట్స్ సైతం వైరల్ అయ్యాయి.తప్పు జరిగితే సొంత ప్రభుత్వం అయినా చూడననే సంకేతాన్ని పవన్ జనాల్లోకి పంపించడం పైన టిడిపి శిబిరంలో చర్చ జరుగుతోంది.

తమ ప్రభుత్వంలోనూ తప్పులు జరుగుతున్నాయని అర్థం వచ్చేలా పవన్ వ్యాఖ్యలు ఉన్నాయనే విషయం స్పష్టం అవుతుంది .ఇక పవన్ దూకుడుగా వ్యవహరిస్తుండడం , సొంత ప్రభుత్వంలోని తప్పులను సైతం ఉపేక్షించేది లేదు అన్నట్లుగా మాట్లాడుతున్న మాటలు జనసైనికుల్లో మరింత ప్రోత్సాహాన్ని కలిగిస్తున్నాయి.