ముగిసిన శ్రీశైల మల్లన్న బ్రహ్మోత్సవాలు.. దేవస్థాన సిబ్బందిపై ఆగ్రహించిన భక్తులు..

శ్రీశైల మల్లన్న బ్రహ్మోత్సవాలు 11 రోజులపాటు జరిగి ముగిసిపోయాయి.దేవస్థానం అధికారులు, సిబ్బంది ఈ 11 రోజులు భక్తులను వదిలేసి పెద్దల సేవలో ఉన్నారు.

వారికి కావాల్సిన వారికి దర్శనం కల్పిస్తూ కాలం గడిపారు.పట్టించుకునే నాధుడే లేక భక్తులు తీవ్ర ఇబ్బందులు పడ్డారు.

వెంకటాపురం నుంచి శ్రీశైలానికి కాలినడకన వచ్చిన భక్తులు తీవ్ర ఇబ్బందులు ఎదుర్కొన్నారు.ముఖ్యంగా నీటి వసతి లేక దాహార్తిని  తీర్చుకోవడానికి అవస్థలు పడ్డారు.

ఇదే అదునుగా తీసుకొని కొందరు ఏకంగా బాటిల్ లూజ్ వాటర్ లీటర్ 30 నుంచి 40 వరకు విక్రయించారు.అంటే పాదయాత్రికులు ఎన్ని ఇబ్బందులు పడ్డారో దీన్ని బట్టి అర్థం చేసుకోవచ్చు.