ఏది పడితే అది చేయను అంటున్న మరో కన్నడ సాయి పల్లవి

సినిమా ఇండస్ట్రీలో అందరు రకరకాలుగా హీరోయిన్స్ గురించి రాస్తూ ఉంటారు.

అదిగో శ్రీలీల( Sreeleela ) వెళ్లిపోయింది కాబట్టి ఇదిగో మమిత భైజు వచ్చేసింది లేదా భాగ్యశ్రీ భోర్సే లైన్ లో ఉంది.

నాని, విజయ్ దేవరకొండ తదుపరి సినిమాలకు వీరినే హీరోయిన్స్ గా తీసుకుంటున్నారు అంటూ ఎడాపెడా ఎవరికి నచ్చినట్టు వారు రాసేస్తున్నారు.కానీ అసలు విషయం వేరే ఉంది.

ప్రస్తుతం వీరితో పాటు మరొక హీరోయిన్ పేరు కూడా సోషల్ మీడియాలో బాగా వైరల్ అవుతుంది.ఆ హీరోయిన్ మరెవరో కాదు రుక్మిణి వసంత్( Rukmini Vasanth ). ఈ అమ్మాయి మీ అందరికి బాగానే గుర్తుండి ఉంటుంది.రక్షిత్ శెట్టి ఇటీవల నటించిన సప్త సాగరాలు దాటి( Sapta Sagaralu Daati ) రెండు సినిమాల్లో కూడా హీరోయిన్ గా నటించింది.

ఈ సినిమాల తర్వాత ఈ అమ్మడికి తెలుగులో ఆఫర్స్ బాగానే వస్తున్నా ఏది పడితే అది నేను చెయ్యను అంటూ కదా నిర్మాతలను తిప్పి పంపిస్తుందట.ఈ అమ్మాయిని కన్నడ సాయి పల్లవి( Kannada Sai Pallavi ) అని కూడా కొంతమంది అంటున్నారు.పైగా ఈమె పుట్టి పెరిగిన నేపథ్యం కూడా అలాంటిదే.

తన తండ్రి 2007లో కాశ్మీర్ లో అక్రమ చొరబాటు దారులను అడ్డుకునే నేపథ్యంలో వీర మరణం పొందగా ఈమె తల్లి ఇలా యుద్ధంలో చనిపోయిన వీరుల వితంతువులకు ఒక ఫౌండేషన్ ఏర్పాటు చేసి వారికి సేవా కార్యక్రమాలు చేస్తుంది.ఇంత గొప్ప కుటుంబంలో పుట్టిన రుక్మిణి వసంత్ చిన్నప్పటి నుంచి ఆర్మీ మరియు ఎయిర్ ఫోర్స్ స్కూల్స్ లోనే చదివింది.

అందుకే టాలీవుడ్ లో హీరోల పక్కన కేవలం గ్లామర్ ఒలకబోసే పాత్రలో( Glamor Roles ) నటించడానికి రుక్మిణి వసంత్ ఒప్పుకోవడం లేదు.దీంతో చాలామంది రుక్మిణి వసంత్ కి పొగరు అనుకుంటున్నారు కానీ అదే ఆమె కాన్ఫిడెన్స్ మాత్రమే.ఖచ్చితంగా మంచి రోల్ ఉంటే ఆమె చేస్తుంది కానీ కాసేపు అలా వచ్చి వెళ్ళిపోయి రెండు పాటలకు డ్యాన్సులు చేసే పాత్రలు చేయడానికి ఇష్టపడటం లేదు.

పైగా ఆమె చేతిలో ఇప్పుడు రెండు తమిళ సినిమాలు, ఒక హిందీ చిత్రం కూడా ఉంది.కన్నడలోనే ఆమె సినిమా ఎంట్రీ జరిగినప్పటికి ఈ అమ్మడి పేరు ఫ్యాన్ ఇండియన్ వ్యాప్తంగా మారు మ్రోగి పోతుంది.