స్నాప్‌డ్రాగన్‌ 8 జెన్ 3 ప్రాసెసర్‌తో రియల్‌మీ జీటీ 5 ప్రో... ధర ఎంతంటే...?

ప్రముఖ స్మార్ట్‌ఫోన్ తయారీదారు రియల్‌మీ ఇండియన్‌ మార్కెట్‌కు అదిరిపోయే ఫోన్స్ తీసుకొస్తూ బాగా పాపులర్ అయింది.

ప్రస్తుతం రియల్‌మీ GT 5 ప్రో( Realme GT 5 pro ) పేరిట ఒక కొత్త స్మార్ట్‌ఫోన్ విడుదల చేయడానికి సన్నాహాలు చేస్తోంది, ఇది 2023, ఆగస్టులో చైనాలో విడుదలైన రియల్‌మీ GT 5 అప్‌గ్రేడెడ్ వెర్షన్.

రియల్‌మీ జీటీ 5 ప్రో అనేక లీక్స్‌, పుకార్లతో ఇప్పటికే హైప్ పెంచేసింది.కొన్ని వారాలుగా దాని ఫీచర్లు, స్పెసిఫికేషన్లను టెక్ వర్గాలు వెల్లడిస్తున్నాయి.

ఫోన్‌లో పెరిస్కోప్ కెమెరా, క్వాల్‌కామ్ సరికొత్త స్నాప్‌డ్రాగన్ 8 జెన్ 3 ప్రాసెసర్( Snapdragon 8 Gen 3 ) ఉంటుందని అంటున్నారు.రియల్‌మీ ఇంకా లాంచ్ తేదీని ప్రకటించలేదు, కానీ అది ప్రో అనే పదంతో చైనీస్ సోషల్ మీడియా ప్లాట్‌ఫామ్ అయిన వీబోలో టీజర్ చిత్రాన్ని పోస్ట్ చేసింది.

పోస్ట్ టైటిల్ ప్రకారం, "మేం రెండు సంవత్సరాలుగా కష్టపడుతున్నాం, మేం సిద్ధంగా ఉన్నాము! మీరు దాని పేరును ఊహించగలరా?" అని రియల్‌మీ ఒక క్వశ్చన్ అడిగింది.